الثلاثاء، 30 ديسمبر 2008

حاجات كتير

حاجات كتير اوى حصلت الفترة الاخيرة دى
حاجات كتير عايزة اقولها
احداث كتير بتحصل 
البوست ده هكلم فيه عن حاجات كتير
هتبرو ملخص ليا انا عن اللى بيحصل الفترة دى
وعن السنة اللى مش باينة لها اول من اخر دى
وانا اساسا متنرفزة ومدهولة على عينى 
نبتدى  بلصلاة عن النبى كدة
********
اول حاجة هكلم عنها فى البوست دى عن اللى حصل السنة دى او اهم الاحداث
ولما بقول السنة دى
بقصد السنة الهجرية
عشان احنا مسلمين مفروض لما نكلم نكلم عن السنة الهجرية
السنة الميلادى على عينى وراسى
وبسلم عليها كمان
المهم  منتظر الزيدى
بقولك انتا جدع اوى
بتفكرنى بجدعنة المصريين
اللى تقريبا كادت ان تتلاشى
وربنا معاك
 وميحصلكش حاجة زى ماحصل مع غيرك
انتا اخر الرجال المحترمين
ومش هكلم تانى عن الموضوع ده
تانى حاجة بحتفل بلسنة الهجرية الجميلة وهجرةالرسول محمد صلى الله عليه وسلم
وعايزة اقولك يارسولى  سامحنى بجد
سامحنى من كتر ذنوبى
سامحنى وسامح كل اخواتى اننا مش عارفين نبقى صح
او بنحاول نبقى صح
سامحنى على حال المسلمين دلوقتى اللى بيموتو كل
يوم
وانا مسلمة واقفه اتفرج
كفايه كدة لانى مهمة قولت مش هعرف اقول كل اللى انا عيزاه
تالت حاجة انا ليا اصحاب عراقين وفلسطنين اصحابى
انا عارفه انكو بتقرو البوست دلوقتى
انا مقدرتش اكلكمو
مقدرتش اقولك معلشى
لانى مككسوفة ان البلد دى فيها سفارة اسرائليه
مكسوفة ان البيان اللى اتقال
اتقال من هنا من بلدى
عايزة اقولكو صدقونى مش هيا دى مصر
مش هيا دى مصر اللى الكل داير يشتم فيها دلوقتى
لاء
مش هيا دى
مصر شعب مش حكومة
احنا شعب اغلب من الغلب
ابسط حاجة اقولها اننا بنرضى بقللينا بس بنكره الظلم  اوى
مصر اللى يوم  اللى حصل فى غزة الناس نزلت فى الشارع من كتر الغضب
عايزة تعمل اى حاجة
المظاهرات
احنا صدقونى منقدرش نعمل غير كدة
اللى يعمل غير كدة فى البلد دى يروح ورا الشمس
مصر شعب مش حكومة
ومتفكروش اننا راضين عن اللى بيحصل بس احنا مش بادينا غير الكلام
انا اسفه وربنا معاكو
انا قاعدة فى بيتى مدفيه ومبسوطة ولابسة بيجامتى
واخواتى بيموتو فى غزة 
قاعدين فى بيتهم
مستخبين فى بعض خايفن فى اى وقت بيتهم يولع بيهم بأى قنبلة ولا صاروخ
يا عرب
اصحو بقه
هو احنا مش اخوات ولا ايه
اختنا بتموت والاهلى مرميا على الارض
والبيوت اتهدت والمساجدت اتولع فيها
وانتو كل اللى بتعملوه انكو بتعملو مباحثات كل شوية
اتصالات هاتفيه رئيس دولة كذا برئيس دولة تانية
عايزة اقولكو انتو مش حاسين بحاجة
بتتصلو ببعض ليه
اتصلو باللى بيعملو كدة
اعملو حاجة
اى حاجة تقول اننا مسلمين عرب اقويا كفايه بقه بجد كسفتونا
****************************
حاجة اخيرة
عايزة اقولكو انى لسه بمتحن
وبلنسبة للناس الحلوة اللى دخلت دعت عليا وكانت فرحانة اوى انى بمتحن
وقعدو يزغرطو ويرقصو
عايزة اطمنكم
انى موجودة وهاخد بتارى منكم واحد واحد مش هسيب حقى
ويولكم منى
اشهدو على روحكو
عرفاكو واحد واحد
والتاج اللى جالى من طالب ثانوى وبعد كدة ايمى
هرود عليه ان شاء الله بعد البوست ده
وملحوظة متعورة كمان
انا لسة بمتحن  والامتحان اللى فات جاه منيل وشكلكو كدة دعيتو عليا مش دعتولى لذلك محدش يدعيلى تانى
احسن مستقبلى يديع
ربنا يسمحكو
هئ هئ هئ
ملحوظة كويسة انا عارفة ان البوست طويل شوية بس معلشى مرة من نفسى بقه

هناك 63 تعليقًا:

محمد حمدي يقول...

بوست جميل جدا ومجمع .. انا بحب اقرا بوست طويل قوى احسن من بوست قصير ضعيف .. بجد اسلوبك سلسل وكلامك منمق .. ربنا يوفقك فى امتحاناتك

تحياتى .. وعام هجرى سعيد

Ahmed يقول...

ربنا معاكي

romansy يقول...

كل سنه وانتى طيبه

سنه هجريه سعيده

وسنه ميلاديه سعيده

الاحداث كتيره صحيح
بس المهم انك تذاكرى كويس وتزكزى

احنا كلنا مقصرين
بس ربنا يسامحنا
وهو اللى عالم بينا

يارب انصرنا على من يعيدينا
ربنا معاك

*** حور- نور*** يقول...

والله مش عارفة ارد عليكى ازاى بس زى ماانتى قلتى كل اللى نقدر نعملة هى المظاهرات ولو زادت عن كده نروح ورا الشمس
احنا شعب خواف بنخاف من خيالنا وكل التصريحات اللى الحكام بيقولوها دى اوهام
ربنا يصبرنا

nody يقول...

كل سنه وانتى طيبه
وعام هجرى وميلادى سعيد عليكى
ويارب الجاى يكون احلى واحلى
وتخلصى الامتحانات على خير
وتنجحى وتفرحى بحياتك
اما بالنسبه لغزه
فاربنا معاهم
لان مافيش حد معاهم لا حكومه بتحكمهم معاهم
ولا ضمير عربى لكل بلاد العرب والمسلمين
ولا منظمات حقوقيه
كله عمال يقول يالا نفسى
او يرموا اللوم علينا وكاننا احنا الرجاء والامل
وفى الاخر يشتموا فينا
هما ده الى فالحين فيه
وبس
تحياتى

آخر العنقود يقول...

وانا كمان عندى حاجات كتير عاوزة اقولها
منها اللى انتى قولتيه ماعدا الامتحانات عشان خلصت
:)
صدقينى ان شاء الله فى امل
احنا فعلا مش بايدينا غير المظاهرات والاحتجاجات
بس صدقينى دى مش حاجة هينة ولا سهلة
لو مش فارقة مع حكومتنا ماكانوش منعونا من الخروج فى المظاهرات
ماكانش الامن بقى مترشق فى كل حتة فى البلد دلوقتى
هما عارفين ان ده بيأثر
وممكن يحرك كتير
عشان كده خايفين
وزى ماقلتى مصر شعب مش حكومة

ع العموم
ربنا معكى انتى وكل اللى زيك
وتخلصوا على خير ياقمر

بس والله دى دعوة من القلب
وان شاء الله الجاى يكون اسهل واحسن
ماهوه مش هيبقى من كله

ربنا يوفقك
مش عاوزة تقوليلى تعرفينى منين بقى ؟؟؟
:)
:)

سلام يامشمشة

قلم رصاص يقول...

ههههههههههههههههه

بتتكلمي في السوياسه سابت يامشمشة
لالالالالالالالالالالا والله ابلغ عنك
ههههههههههه

انا جيت اعقم على الموضوع اهه عشان متشيليش في نفسك ولا حاجة هههههه


المهم ياريت تكوني بتحلي كويس وتطولي رقبة المدونين وتنجحي وتاخدي الشهادة الكبيييييييييييييييره

وان شاء الله ربنا هينصر شعب فلسطين في غزة وفي الضفه

اتمنى لك التوفيق

تقبلي تحيتي

مسدس صغير يقول...

انا مش عارف الناس اللى عندها امتحانات بتنزل بوستات ليه؟ انتو فاضيين بقى ومبتذاكريش عارفك بتتحججى فى غزة ومتذاكريش .. ع العموم بوست جميل اوى وربنا ينصر اهل غزة ويصبرنا ويصبرهم .. وروحى ذاكرى ومشفكيش هنا غير بعد الامتحانات . فاهمه؟!!!!!

adel يقول...

هاعلق بسرعة

كل سنة و انتي طيبة

منتظر ده راجل (او كان محدش يعرف لسه)

غزة ليها ربنا.....و احنا عاوزين اللي يدعيلنا

امتحانات ايه .....هو انا ناقصك
كفاية اللي عندي

رئيس التحرير يقول...

مشمش...هو أنت لسه عارفه النهارد ان مافيش ضمير ...الضمير ميت من زمان...
هو انت ما عزتيش فيه؟

البت المشمشية حلوة بس شقية يقول...

Mohamed Hamdy

ربنا يخليك اخجلتم تواضعنا وكدة هتغر فى نفسى

البت المشمشية حلوة بس شقية يقول...

Eng. Ahmed Abo El-Ell
ايوة والنبى ياخوية ادعيلى كدة

Unknown يقول...

حلو التداخل بين الموضوعات ده فعلا كل الحجات دي مهمة جدا مش بيقلك هم يضحك وهم يبكي بدئتي بغزة وبعد شوية بوش لما اضرب بالجزمة والإساءة للرسول
النصر جاي جاي والجزمة دي رقم واحد والمقاطعة معاها بس النصر الأكيد جاي وقريب بس ربنا بيمتحن ايمان الناس دي وصبرها وبيمتخنا احنا هنعمل ايه
ربنا يقدرنا ونعمل حاجة نعرف نجاوب بيها لما نتسئل
سلام الله عليكي وكل عام وأنت بألف ألف خير يا ستي

البت المشمشية حلوة بس شقية يقول...

romansy
وانتا طيب وربنا معانا كلنا يارب

البت المشمشية حلوة بس شقية يقول...

سحر*** حور- نور***
انتى ايه يابت انتى اللى جايبك هنا
انتى مش عندك امتحان يووم التلات روجى زاكرى يلا

البت المشمشية حلوة بس شقية يقول...

nody_1987
اة والله هما ده اللى فالحين فيه بيزاديو باسم مصر
كل سنة وانتى طيبة

البت المشمشية حلوة بس شقية يقول...

آخر العنقود
اخر العنقود سكر معقود
لاء مش هقولك انا مين

احنا فعلا مش بايدنا غير اننا نتظاهر فى الشوراع

بتغظينى عشان خلصتى ماشى يختى

البت المشمشية حلوة بس شقية يقول...

قلم رصاص
طيب انا عاملة موضوع كئيب ايه اللى بيضحك دلوقتى
ربنا يهديك يا ابنى يارب
وهطول رقبتك لحد السقف وانجح واغيظك

البت المشمشية حلوة بس شقية يقول...

مسدس صغير
يالهوى للدرجادى مخنوقين منى يالهوى استحملونى شوية طيب
خلاص خلاص راحة اذاكر

البت المشمشية حلوة بس شقية يقول...

adel
ايه يبنى انتا جاى تتخانق معايا
روح ذاكر

البت المشمشية حلوة بس شقية يقول...

رئيس التحرير
لاء والله ولاحد قالى هو العزا كان امتا
نورتنى يا استاذى

البت المشمشية حلوة بس شقية يقول...

كاتب مصري
نورتى
وكل سنة وانتا طيب والحمد لله ان قدرت اجمع حاجات فى البويست دة

Unknown يقول...

على فكرة ممكن نعمل حاجة غير المظاهرات ممكن نتبرعلهم بفلوس.....اتبرعى

البت المشمشية حلوة بس شقية يقول...

enjy
وانا ايه يضمنى ان فلوسى توصل ومحدش ياكولها فى السكة وانتى فاهمة بقه

الدرويش المرووش يقول...

ربنا معاكى

و كل سنه و إنت طيبه

و ربنا يرحمنا برحمته

Muhammad Mammdouh يقول...

كل سنة وانتى طيبة والسنة الجاية تبقى احسن ان شاء الله ومتبقيش تغلطى فى الضماير تانى .

البت المشمشية حلوة بس شقية يقول...

الدرويش المرووش

نورتنى وشكرا لزيارتك
وانتا طيب
اللهم امين




Mo7amed Mamdou7
هههههههههههه
ضماير ايه
استر عليا اللهى يستر عليك

احساس لسه حى يقول...

عزيزتى
كل سنه وانتى طيبه

وهقول واعلق على شئ واحد نعمله لاهل فلسطين وغزه وحماس

يعنى اللى نقدر عليه واللى بايدينا

اننا لما نلاقى حد فى التدويين بيهاجم الفلسطنيين وحماس نقاطعه وده اللى ناوى اللى اعمله

مش اخش مدونه فيها واحده كاتبه فى عز ضرب غزه وشهداء حماس

تسقط حماس

هو ده اللى شغلها ووجع قلبها وسط الضحايا والشهداء

وده الشئ الاجابى اللى بايدى اعمله اقاطعها

واقاطع كل اللى بيعرفوها كمان

بقينا سلبيين جدا ونقول كلام ومنفعلش اى شئ

وبتلوموا الرؤساء والملوك

متكسفيش من اى حد لانهم عارفيين ان الشعوب غير حكامها

تحياتى

سلام

سندس وأمل يقول...

:).............

مدونه حلوه وبوست حلو وجميل جدا....

يالا بقى علشان مش اعطلك عن المذاكره

ويارب.........لا انتى قلتى محدش يدعى:)

طايب يبقى دعواتك لاهالى غزه

سندس

amnesia يقول...

لا ازاى مندعيش .. ربنا معاكى

وانا مدعتش عليكى قبل كده.. قصدى مدعتلكيش قبل كده.

هدعيلك وموفقه ان شاءالله

اما بالنسبه للاحداث الجاريه...
مش هقول غير حسبى والله ونعم الوكيل
واللى نقدر عليه لازم نعمله.. واحنا نقدر نعمل كتير..

وزى ما قولتى مصر مش حكومه.. مصر شعب

وربنا يبارك فى الناس الغلابه

ومنتظر الزيدى .. بجد انا ارفعله وسام الشرف وياريت نشوف كتير زيه

كوارث يقول...

ربنا يوفقك في امتحاناتك اولا

وربنا يسامحنا كلنا

وبالنسبة لمصر مش مصر
فمصر هيا مصر

بس تخرج من سكوتها
معقولة شوية كلاب ما يجوش 1 % من سكان مصر متحكمين في ال 99 %
ده لا يعقل فعلا
بس واقع !!

Zika يقول...

بوست جميل اوي يا مشمشه
بس انا دعيتلك والله مادعيتشي عليكي
وبالنسبه للي بيحصل في غزه
لو دخلتي عندي او عند ابي او مايكل
هتلاقي بوست طويل عريض كده
بنحاول ناثر علي الاعلام الغربي لان اليهود بيحاولوا يبينوا للعالم انهم مظلومين
تحياي يا مشمشه
وربنا يوفقك

Nostor Azzuro يقول...

كلام شقى زى اللى كتبته

البت المشمشية حلوة بس شقية يقول...

احساس لسه حى
نورت المدونة
كلامك صح
الدعاء هو الحاجة الوحيدة اللى نقدر عليها

بس معقول فيه مدونات بتهاجم فلسطين

البت المشمشية حلوة بس شقية يقول...

سندس وأمل
نورتى ياسندوسة ياقمر
وادعيلى بقه بلاش بخل
وانا طبيعى بدعى لاهالى غزة

البت المشمشية حلوة بس شقية يقول...

amnesia
ادعى بذمة وخليكى جدعة كدة مش تدعلى عليا

كل سنة وانتى طيبة ياقمر

البت المشمشية حلوة بس شقية يقول...

كوارث
بجد كلامك صح ومية مية
وانا معاك فى كل اللى قولتلو
ونورتى ده لول زيارة ليك

البت المشمشية حلوة بس شقية يقول...

Zika
هههههههههههه
ماشى ياعم كويس انك دعتلى بامارة الامتحان جه صعب
وانا قريت بوستاتك انتا وابى

نورتنى

البت المشمشية حلوة بس شقية يقول...

Nostor Azzuro
مانا شقيه بقه مشمشية نورتنى

غير معرف يقول...

انا جيت بس أقولك

كووووووووووووووول سنه وانتي طيبه يا جميل
ويااااااااااااااارب 2009 تبقي أجمل من 2008 وتحققي كوووووووووووووووووول اللي بتتمنيه
وتبقي سنه سعيده علينا كلنا ياااااااارب

تحياتي

البت المشمشية حلوة بس شقية يقول...

hager za3bal
وانتى طيبة يا جوجو

وكووووووووووووول سنة وانتى بالف صحة وخير يارب

http://kasperb4.blogspot.com/ يقول...

ربنا يصلح احوالنا
ويارب السنادي تكون أفضل م اللي فاتت على كل المستويات

شدي حيلك ف امتحاناتك
وسيبك م النت شوية
ربنا يعينك ويوفقك
--
"محمود"
:))

البت المشمشية حلوة بس شقية يقول...

آلام وآمال
ماشى ياحودة هروح اذاكر اهو وهسيبنى من النت
وكل سنة وانتا طيب وربنا يحقللك كل امانيك

شوية قهوة يقول...

موضوع حلو اوي
وشامل حجات كتير اوي
وعموما حمدلله على السلامة
ومعسلامة انت مش لسة عندك امتحانات ايه الماعدك على الكمبيوتر
صحيح انت وحشتينا
بس امتحاناتك ومصلحتك احسن لنا

شفـقــة و إحســــان يقول...

البوست جامد جدا رغم بساطته
وبالأخص الجزء ده

(بتتصلو ببعض ليه
اتصلو باللى بيعملو كدة
اعملو حاجة
اى حاجة تقول اننا مسلمين عرب اقويا كفايه بقه بجد كسفتونا)

خلي بالك من مذاكرتك
وركزي في إمتحاناتك
وكل سنة وانت طيبة

أخوك/ إحســـان

shaimaa samir يقول...

وفقنا الله دوما
وجعلنا اكثر ايجابية


اجتهدى فى مذاكرتك
وضعي نية الاجتهاد
لاجل نصرة الاسلام
واخوانك فى غزة

احبك فى الله

البت المشمشية حلوة بس شقية يقول...

مقتطفات من حياة فتاة
خلاص ياختى قايمة قايمة
متزوقيش
هقوم اذاكر حاضر
وانتو كمان وحشتنونى
نورتينى ياقمر

البت المشمشية حلوة بس شقية يقول...

شفقة هانم واحسان بك
احسان بيه نورتنى جداا
ولاهانم مجتش معاك ليه
عموما كويس ان البوست عجبك

ونورتنى

البت المشمشية حلوة بس شقية يقول...

shaimaa samir
نورتى ياشوشو
ادعيلى كدة دايما
ونورتينى
وانا بحبك فى الله

Dr. Ibrahim يقول...

ربنا يصلح حالك وحال الجميع..

البت المشمشية حلوة بس شقية يقول...

Dr Ibrahim samaha
ربنا يخليك على الدعوة الحلوة دى

طوبه فضه وطوبه دهب يقول...

ربنا معاكى وما نقدرش اننا نقول حسبنا الله ونعم الوكيل وانه عليهم قدير فهو نعم المولى ونعم النصير ويارب يوفقك ويسهل لك امتحاناتك

فارس القمر يقول...
أزال المؤلف هذا التعليق.
فارس القمر يقول...

بس بهداوة ومن غير نرفزة

عليه الصلاة والسلام

كل سنه وانتى بخير الحمد لله انى لاقيت واحدة بتتكلم زى كل واحد ونيتوا انا لما بهنى اى حد بقصد بيها السنه الهجريه

منتظر الزيدى الله يعنيه على اللى هو فيه رجل بمعنى الكلمه رفع رؤؤس العرب كتيررر ربنا معاك ومايحرمناش من امثالك
احنا مقيدين ومش فادرين نتحرك واللى مفروض يتحركوا علشان يحركونا هما رؤساءالعرب الى نايمين فى العسل
الكل بيشتم فى مصر خلاص اعملوا انتوا اللى مصر مش قادر تعملوا
مش هنقول هنعمل وتساعدونا ولما تيجى مصر تعمل ماتلاقيش اى مساعدة وتبقى هيا اللى جنت على نفسها زىماحصل قبل كدة وربنا وقف جنبنا وان كنتم ناسيين يالى بتهاجموا مصر افكركم فى 73
كان الله فى عون اهلنا غزة وحسبى الله وتعم الوكيل فى العرب اولا اللى عاوزين كل واحد يتحرك قبل التانى وامتى هنتحرك مع بعض
ربنا يوفقك فى امتحاناتك

وتشقى طريقك فى الحياة بسكينه (وش بيطلع لسانوا )

اسف على تعليقى طويل شوى بس انتى نكشتى ثغرة فى نفسى

حروف يقول...

بصي يا مشمشيةانا حقوللك وانتياولوحدةحتعرف وبعد ما تتنشر الكل حيعرف انا مش عارفة اذاكر فاكرة جيرانكم والموضوع دة واناعلقت وقلتللك عندي زيهم الموضوع اتطور جدا وبئا قلة ادب غير اننا بنطلع ع السلم نلاقي علامات سحر علي الارض والله ونفتح الشقة نلاقي حاجات مكبوبة طبعا نفسيا انا مدمرة بنام اكتر من 12 ساعةوبصحي مفجوعة من النوم او مش بحس بنفسوافضل نايمة دة اول هام الهام التاني ان الاخ ظابط جيش وقريب من الحدود واعصابي حموت علية من القلق غير كل دة مخاصمني وقافل التلفون وقالي مش نازل اجازات والمصيبةالكبيرةانة كان بيحب واحدة ومحكليش ولما عرفت وسالتة محكاليش وسالتة عن اسمها مقلش واليوم بئا يوم وحش وساكت طبعا معناة اية معناةانها لسةجواة بدليل انه حكالي عن كل البنات وخطيبتةالسابقة ومجبش سيرتها حتي اسمها اية رئيك بئا في اللي انا فية غير كل دة القضية بتاعةالجيران الجلسة26/1 قوليلي بئا اعمل ايه

البت المشمشية حلوة بس شقية يقول...

طوبة ذهب وطوبة فضة
ربنا يخليكى ياجميل على الدعوايه الحلوة دى

وربنا ينصر اهل غزة يارب

البت المشمشية حلوة بس شقية يقول...

فارس القمر ا
اخبار الثغرة اللى اانا نعكشتها ايه


تانى حاجة كل سنة وانتا طيب بمناسبة السنة الهجرية واخد بالك معايا
وربنا يفرح ايامك ويسعدك انتا وخطيبتك يارب مع انى نفسى اشوفها اوىىىىى
وسلملى عليها

وربنا يعينها على البلاوى اللى بتكلم عن مصر ونسيو السادات و73

البت المشمشية حلوة بس شقية يقول...

حروف (دلو مرة ثانية وجرح ثاني سابقا
حبيبة قلبى متزعليش نفسك هيا الدنيا كدة
لازم حاجة وحشة تنغص عليكى حياتك
بلنسبة لموضضوع جاركم ده
هو الموضوع وصل للدرجة دى
للمحاكم
بصى لو انتو على حق ربنا يقدركم وتاخدو حقكم انا بصراحة مش قادرة افهم الموضوع اوى
بصى
انا اميلى على المدونة
لو تحبى
خودية ضفيه ونكلم سوا
عشان مفيش اى حاجة هتنفعك غير دراستك ياقمرايا
صح ولا لاء
بللنسبة للاخ باين انو الشخص اللى انتى مرتبطة بيه
اللى انتا تعبانة بسببو
وهو مش مقدر حيرتك وقلقلك ده
ويعنى ايه جاب واحد ة مش فاهمة
جابها فين
هيا مشاعرك سهلة للدرجادى
فهمينى الموضوع اكتر يمكن نوصل مع بعض لحاجاة تريحك عشان امتاحانتك ياماما
اهم منو
ومن الدنيا كلها

ربنا معاكى
وياريت نكلم سوا

GiGi world يقول...

ربنا يكرمك ويار بيوفقك فى الامتحان
وربنا ينصرنا يارب على اعداءنا

البت المشمشية حلوة بس شقية يقول...

GiGi نورتى يا جميل
اللهم امين

Mafrousa يقول...

انا جيت يا مشمشة ارد الزيارة
ازيك يا قمرة
و كل سنة و انتى طيبة بمناسبة السنة الهجرية و الميلادية
و ربك قادر على كل شيء
بس لازم احنا نتقيه فى كل اعمالنا
تحياتي ليكي
و كل سنة و انتى طيبة

البت المشمشية حلوة بس شقية يقول...

واحدة مفروسة
نورتى يا جميل وعيزاكى تنورينى ع طول
وربنا قادر ع كل شى
وكل سنة وانتى طيبة

غير معرف يقول...

1xbet korean - Legalbet
The main reason why you do this is because 1xbet южная корея it is not just for esports gambling. 1xbet is one of the fastest growing eSports betting sites. In addition to its