البت المشمشية حلوة بس شقية: محدش بيرود عليا؟

الأحد، 23 نوفمبر 2008

محدش بيرود عليا؟

مشكلة والله كل لما اعمل موضوع محدش يرود عليا اعمل ايه بس هيجيلى احباط خلاص وشكلى هقفل المدونة

هناك 9 تعليقات:

Sweet Violet يقول...: احباط ليه بس ياجميل

هو بس تلاقيكى مش منتشره و لسه ماحدش عرف المدونه بتاعتك

خالى نفسك طوييييييييييييييل

و عموما اهلا بيكى فى عالم التدوين ياقمر; 23 نوفمبر 2008 في 10:28 ص
رئيس جمهوريه نفسى يقول...: نورتى عالم التدوين بصي يا مشمشية انتى محتاجة تعملى عدد من الزيارات الكتير لاكبر عدد من المدونات وبالتالى حتترد ليكى الزيارات وحيزيد عدد المتابعين كلنا عملنا كدة في الاول
نورتى عالم التدوين مرة تانى; 23 نوفمبر 2008 في 10:33 ص
البت المشمشية حلوة بس شقية يقول...: بجد نورتنى وانتا اول واحد تعلق عندى فى المدونة كلها شكرا ليك وياريت تتابعتى; 23 نوفمبر 2008 في 10:36 ص
انسانةعادية فى عالم مش عادى يقول...: بصلا لا ياس مع الحياة ولا حياة مع الياس احب ابشرك انى فضلت بتاع تلات شهور محدش يعبرنى فى المدونة وقفلتها وعملت غيرها وقفلتها وعملت غيرها وبعدين قررت انى بكتب علشان نفسى علشان اعبر عن اللى جوايا شوية شوية الناس ابتدت تتدخل المدونة والحمد لله قدرت اطفشهم تانى من النكد اللى عندى ههههههه علشان كده قررت اصالح الناس بمدونة خفيفة بس ياااااااااااارب اعرف; 25 نوفمبر 2008 في 7:13 م
Ehab يقول...: ههههههههههههههههههههههههههههههه

انتي اصلك لسه معرفتيش النظام مين هيعرفك الا لما تدخلي عنده ويشوف اسمك
ويعرف منه اللينك بتاعك يا فالحه
ادخلي عند ناس كتير وعلقي هتلاقيهم كلهم عندهم فضول يعرفوكي ومن هنا يجي دورك انتي بقى بتقدمي ايه وبتتكلمي في ايه
لو حبوكي هيجوا تاني لو محبوكيش مش هيجوا انما لازم تعملي الخطوه الأولى انتي خصوصا وان اسم مدونتك دمه خفيف وهيشد الناس

يالا شدي حيلك ولعلعي والله شكلك هتكسري الدنيا ومش هنترحم منك ومن دوشتك بعد كده
تحياتي

سلااااااااااااااااااام; 25 نوفمبر 2008 في 11:55 م
البت المشمشية حلوة بس شقية يقول...: نورتونى; 27 نوفمبر 2008 في 12:12 م
البت المشمشية حلوة بس شقية يقول...: ايه ياشنكوتى انتا هتضربنى ولا ايه فهمنى براحة انا فهمىة على ادى; 27 نوفمبر 2008 في 12:13 م
adel يقول...: هههههه

اول مرة ااقرا المواضيع القديمة كلها

اكيد محدش بيعبرك
ههههههههه; 21 يناير 2009 في 7:05 ص
غير معرف يقول...: احباط ايه بس انتى مش واثقه من نفسك ممكن يكونوا بيعلقوا على مواضيعك بس مش بتشفيها وبعدين انا عن نفسى بشوف كل موضوع ليكى بس مش بحب اعلق عليه ممكن ابقى اكلمك عليه على الا يميل وبعدين انا عايزك فى موضوع ماشى
عمااااااااااد; 22 فبراير 2009 في 7:46 ص

سرقاها من عند عادل

- أنا تعبان و مضايق
شايف السما واحدة و القمر واحد
وربنا واحد
هو أنا مسطول ولا فايق
خدت ألف حاجة عشان افوق
و مفيش حاجة بتساعد
دماغي بتلف بيا .... و صدري عليا طابق .
- أنا صغير قوي و ضعيف
أضعف من علبة صفيح
مرمية فوق رصيف
بعد مادسيتها 100 عربية
تفتكر شعورها ايه في اللحظة ديه ؟
- أنا مش لاقي نفسي جوايا
شوفني كده معاك
لحد أمبارح انا كنت معايا
صحيت النهاردة مقلتنيش
ماتنفضليش ......
دَور تاني أرجوك ....
و متسألنيش أيه الحكاية ؟
أنا مضايق جدا
وعايزني ضروري
(أو اقولك أستني
أنا الصبح ...كنت بسرح شعري
تفتكر أكون نسيتني .... في المرايا)
ما علينا .... لو لقيتني
معاك رقمي .... ارجوك كلمني .
- أنا مضايق و ناديت يارب
بص لي هنا
أنا محتاجلك جدا .... أديني شوية صبر
أكمل بيهم أن شاء الله لبكرة الضهر
أو دَور لي علي نفسي .... هي أكيد عندك
أكيد حد جبهالك ..... بعد مالاقها تايهه
و سبهالك
محتاجلك ماتخذلنيش
رجعني لنفسي او ريحني
في اتنين مش هاعرف اعيش
ياترجعني واحد (تاني) زي ماكنت
ياتنيمني ....و تقفل عليا
الشيش .