حاجات كتير اوى حصلت الفترة الاخيرة دى
حاجات كتير عايزة اقولها
احداث كتير بتحصل
البوست ده هكلم فيه عن حاجات كتير
هتبرو ملخص ليا انا عن اللى بيحصل الفترة دى
وعن السنة اللى مش باينة لها اول من اخر دى
وانا اساسا متنرفزة ومدهولة على عينى
نبتدى بلصلاة عن النبى كدة
********
اول حاجة هكلم عنها فى البوست دى عن اللى حصل السنة دى او اهم الاحداث
ولما بقول السنة دى
بقصد السنة الهجرية
عشان احنا مسلمين مفروض لما نكلم نكلم عن السنة الهجرية
السنة الميلادى على عينى وراسى
وبسلم عليها كمان
المهم منتظر الزيدى
بقولك انتا جدع اوى
بتفكرنى بجدعنة المصريين
اللى تقريبا كادت ان تتلاشى
وربنا معاك
وميحصلكش حاجة زى ماحصل مع غيرك
انتا اخر الرجال المحترمين
ومش هكلم تانى عن الموضوع ده
تانى حاجة بحتفل بلسنة الهجرية الجميلة وهجرةالرسول محمد صلى الله عليه وسلم
وعايزة اقولك يارسولى سامحنى بجد
سامحنى من كتر ذنوبى
سامحنى وسامح كل اخواتى اننا مش عارفين نبقى صح
او بنحاول نبقى صح
سامحنى على حال المسلمين دلوقتى اللى بيموتو كل
يوم
وانا مسلمة واقفه اتفرج
كفايه كدة لانى مهمة قولت مش هعرف اقول كل اللى انا عيزاه
تالت حاجة انا ليا اصحاب عراقين وفلسطنين اصحابى
انا عارفه انكو بتقرو البوست دلوقتى
انا مقدرتش اكلكمو
مقدرتش اقولك معلشى
لانى مككسوفة ان البلد دى فيها سفارة اسرائليه
مكسوفة ان البيان اللى اتقال
اتقال من هنا من بلدى
عايزة اقولكو صدقونى مش هيا دى مصر
مش هيا دى مصر اللى الكل داير يشتم فيها دلوقتى
لاء
مش هيا دى
مصر شعب مش حكومة
احنا شعب اغلب من الغلب
ابسط حاجة اقولها اننا بنرضى بقللينا بس بنكره الظلم اوى
مصر اللى يوم اللى حصل فى غزة الناس نزلت فى الشارع من كتر الغضب
عايزة تعمل اى حاجة
المظاهرات
احنا صدقونى منقدرش نعمل غير كدة
اللى يعمل غير كدة فى البلد دى يروح ورا الشمس
مصر شعب مش حكومة
ومتفكروش اننا راضين عن اللى بيحصل بس احنا مش بادينا غير الكلام
انا اسفه وربنا معاكو
انا قاعدة فى بيتى مدفيه ومبسوطة ولابسة بيجامتى
واخواتى بيموتو فى غزة
قاعدين فى بيتهم
مستخبين فى بعض خايفن فى اى وقت بيتهم يولع بيهم بأى قنبلة ولا صاروخ
يا عرب
اصحو بقه
هو احنا مش اخوات ولا ايه
اختنا بتموت والاهلى مرميا على الارض
والبيوت اتهدت والمساجدت اتولع فيها
وانتو كل اللى بتعملوه انكو بتعملو مباحثات كل شوية
اتصالات هاتفيه رئيس دولة كذا برئيس دولة تانية
عايزة اقولكو انتو مش حاسين بحاجة
بتتصلو ببعض ليه
اتصلو باللى بيعملو كدة
اعملو حاجة
اى حاجة تقول اننا مسلمين عرب اقويا كفايه بقه بجد كسفتونا
****************************
حاجة اخيرة
عايزة اقولكو انى لسه بمتحن
وبلنسبة للناس الحلوة اللى دخلت دعت عليا وكانت فرحانة اوى انى بمتحن
وقعدو يزغرطو ويرقصو
عايزة اطمنكم
انى موجودة وهاخد بتارى منكم واحد واحد مش هسيب حقى
ويولكم منى
اشهدو على روحكو
عرفاكو واحد واحد
والتاج اللى جالى من طالب ثانوى وبعد كدة ايمى
هرود عليه ان شاء الله بعد البوست ده
وملحوظة متعورة كمان
انا لسة بمتحن والامتحان اللى فات جاه منيل وشكلكو كدة دعيتو عليا مش دعتولى لذلك محدش يدعيلى تانى
احسن مستقبلى يديع
ربنا يسمحكو
هئ هئ هئ
ملحوظة كويسة انا عارفة ان البوست طويل شوية بس معلشى مرة من نفسى بقه
هناك 63 تعليقًا:
بوست جميل جدا ومجمع .. انا بحب اقرا بوست طويل قوى احسن من بوست قصير ضعيف .. بجد اسلوبك سلسل وكلامك منمق .. ربنا يوفقك فى امتحاناتك
تحياتى .. وعام هجرى سعيد
ربنا معاكي
كل سنه وانتى طيبه
سنه هجريه سعيده
وسنه ميلاديه سعيده
الاحداث كتيره صحيح
بس المهم انك تذاكرى كويس وتزكزى
احنا كلنا مقصرين
بس ربنا يسامحنا
وهو اللى عالم بينا
يارب انصرنا على من يعيدينا
ربنا معاك
والله مش عارفة ارد عليكى ازاى بس زى ماانتى قلتى كل اللى نقدر نعملة هى المظاهرات ولو زادت عن كده نروح ورا الشمس
احنا شعب خواف بنخاف من خيالنا وكل التصريحات اللى الحكام بيقولوها دى اوهام
ربنا يصبرنا
كل سنه وانتى طيبه
وعام هجرى وميلادى سعيد عليكى
ويارب الجاى يكون احلى واحلى
وتخلصى الامتحانات على خير
وتنجحى وتفرحى بحياتك
اما بالنسبه لغزه
فاربنا معاهم
لان مافيش حد معاهم لا حكومه بتحكمهم معاهم
ولا ضمير عربى لكل بلاد العرب والمسلمين
ولا منظمات حقوقيه
كله عمال يقول يالا نفسى
او يرموا اللوم علينا وكاننا احنا الرجاء والامل
وفى الاخر يشتموا فينا
هما ده الى فالحين فيه
وبس
تحياتى
وانا كمان عندى حاجات كتير عاوزة اقولها
منها اللى انتى قولتيه ماعدا الامتحانات عشان خلصت
:)
صدقينى ان شاء الله فى امل
احنا فعلا مش بايدينا غير المظاهرات والاحتجاجات
بس صدقينى دى مش حاجة هينة ولا سهلة
لو مش فارقة مع حكومتنا ماكانوش منعونا من الخروج فى المظاهرات
ماكانش الامن بقى مترشق فى كل حتة فى البلد دلوقتى
هما عارفين ان ده بيأثر
وممكن يحرك كتير
عشان كده خايفين
وزى ماقلتى مصر شعب مش حكومة
ع العموم
ربنا معكى انتى وكل اللى زيك
وتخلصوا على خير ياقمر
بس والله دى دعوة من القلب
وان شاء الله الجاى يكون اسهل واحسن
ماهوه مش هيبقى من كله
ربنا يوفقك
مش عاوزة تقوليلى تعرفينى منين بقى ؟؟؟
:)
:)
سلام يامشمشة
ههههههههههههههههه
بتتكلمي في السوياسه سابت يامشمشة
لالالالالالالالالالالا والله ابلغ عنك
ههههههههههه
انا جيت اعقم على الموضوع اهه عشان متشيليش في نفسك ولا حاجة هههههه
المهم ياريت تكوني بتحلي كويس وتطولي رقبة المدونين وتنجحي وتاخدي الشهادة الكبيييييييييييييييره
وان شاء الله ربنا هينصر شعب فلسطين في غزة وفي الضفه
اتمنى لك التوفيق
تقبلي تحيتي
انا مش عارف الناس اللى عندها امتحانات بتنزل بوستات ليه؟ انتو فاضيين بقى ومبتذاكريش عارفك بتتحججى فى غزة ومتذاكريش .. ع العموم بوست جميل اوى وربنا ينصر اهل غزة ويصبرنا ويصبرهم .. وروحى ذاكرى ومشفكيش هنا غير بعد الامتحانات . فاهمه؟!!!!!
هاعلق بسرعة
كل سنة و انتي طيبة
منتظر ده راجل (او كان محدش يعرف لسه)
غزة ليها ربنا.....و احنا عاوزين اللي يدعيلنا
امتحانات ايه .....هو انا ناقصك
كفاية اللي عندي
مشمش...هو أنت لسه عارفه النهارد ان مافيش ضمير ...الضمير ميت من زمان...
هو انت ما عزتيش فيه؟
Mohamed Hamdy
ربنا يخليك اخجلتم تواضعنا وكدة هتغر فى نفسى
Eng. Ahmed Abo El-Ell
ايوة والنبى ياخوية ادعيلى كدة
حلو التداخل بين الموضوعات ده فعلا كل الحجات دي مهمة جدا مش بيقلك هم يضحك وهم يبكي بدئتي بغزة وبعد شوية بوش لما اضرب بالجزمة والإساءة للرسول
النصر جاي جاي والجزمة دي رقم واحد والمقاطعة معاها بس النصر الأكيد جاي وقريب بس ربنا بيمتحن ايمان الناس دي وصبرها وبيمتخنا احنا هنعمل ايه
ربنا يقدرنا ونعمل حاجة نعرف نجاوب بيها لما نتسئل
سلام الله عليكي وكل عام وأنت بألف ألف خير يا ستي
romansy
وانتا طيب وربنا معانا كلنا يارب
سحر*** حور- نور***
انتى ايه يابت انتى اللى جايبك هنا
انتى مش عندك امتحان يووم التلات روجى زاكرى يلا
nody_1987
اة والله هما ده اللى فالحين فيه بيزاديو باسم مصر
كل سنة وانتى طيبة
آخر العنقود
اخر العنقود سكر معقود
لاء مش هقولك انا مين
احنا فعلا مش بايدنا غير اننا نتظاهر فى الشوراع
بتغظينى عشان خلصتى ماشى يختى
قلم رصاص
طيب انا عاملة موضوع كئيب ايه اللى بيضحك دلوقتى
ربنا يهديك يا ابنى يارب
وهطول رقبتك لحد السقف وانجح واغيظك
مسدس صغير
يالهوى للدرجادى مخنوقين منى يالهوى استحملونى شوية طيب
خلاص خلاص راحة اذاكر
adel
ايه يبنى انتا جاى تتخانق معايا
روح ذاكر
رئيس التحرير
لاء والله ولاحد قالى هو العزا كان امتا
نورتنى يا استاذى
كاتب مصري
نورتى
وكل سنة وانتا طيب والحمد لله ان قدرت اجمع حاجات فى البويست دة
على فكرة ممكن نعمل حاجة غير المظاهرات ممكن نتبرعلهم بفلوس.....اتبرعى
enjy
وانا ايه يضمنى ان فلوسى توصل ومحدش ياكولها فى السكة وانتى فاهمة بقه
ربنا معاكى
و كل سنه و إنت طيبه
و ربنا يرحمنا برحمته
كل سنة وانتى طيبة والسنة الجاية تبقى احسن ان شاء الله ومتبقيش تغلطى فى الضماير تانى .
الدرويش المرووش
نورتنى وشكرا لزيارتك
وانتا طيب
اللهم امين
Mo7amed Mamdou7
هههههههههههه
ضماير ايه
استر عليا اللهى يستر عليك
عزيزتى
كل سنه وانتى طيبه
وهقول واعلق على شئ واحد نعمله لاهل فلسطين وغزه وحماس
يعنى اللى نقدر عليه واللى بايدينا
اننا لما نلاقى حد فى التدويين بيهاجم الفلسطنيين وحماس نقاطعه وده اللى ناوى اللى اعمله
مش اخش مدونه فيها واحده كاتبه فى عز ضرب غزه وشهداء حماس
تسقط حماس
هو ده اللى شغلها ووجع قلبها وسط الضحايا والشهداء
وده الشئ الاجابى اللى بايدى اعمله اقاطعها
واقاطع كل اللى بيعرفوها كمان
بقينا سلبيين جدا ونقول كلام ومنفعلش اى شئ
وبتلوموا الرؤساء والملوك
متكسفيش من اى حد لانهم عارفيين ان الشعوب غير حكامها
تحياتى
سلام
:).............
مدونه حلوه وبوست حلو وجميل جدا....
يالا بقى علشان مش اعطلك عن المذاكره
ويارب.........لا انتى قلتى محدش يدعى:)
طايب يبقى دعواتك لاهالى غزه
سندس
لا ازاى مندعيش .. ربنا معاكى
وانا مدعتش عليكى قبل كده.. قصدى مدعتلكيش قبل كده.
هدعيلك وموفقه ان شاءالله
اما بالنسبه للاحداث الجاريه...
مش هقول غير حسبى والله ونعم الوكيل
واللى نقدر عليه لازم نعمله.. واحنا نقدر نعمل كتير..
وزى ما قولتى مصر مش حكومه.. مصر شعب
وربنا يبارك فى الناس الغلابه
ومنتظر الزيدى .. بجد انا ارفعله وسام الشرف وياريت نشوف كتير زيه
ربنا يوفقك في امتحاناتك اولا
وربنا يسامحنا كلنا
وبالنسبة لمصر مش مصر
فمصر هيا مصر
بس تخرج من سكوتها
معقولة شوية كلاب ما يجوش 1 % من سكان مصر متحكمين في ال 99 %
ده لا يعقل فعلا
بس واقع !!
بوست جميل اوي يا مشمشه
بس انا دعيتلك والله مادعيتشي عليكي
وبالنسبه للي بيحصل في غزه
لو دخلتي عندي او عند ابي او مايكل
هتلاقي بوست طويل عريض كده
بنحاول ناثر علي الاعلام الغربي لان اليهود بيحاولوا يبينوا للعالم انهم مظلومين
تحياي يا مشمشه
وربنا يوفقك
كلام شقى زى اللى كتبته
احساس لسه حى
نورت المدونة
كلامك صح
الدعاء هو الحاجة الوحيدة اللى نقدر عليها
بس معقول فيه مدونات بتهاجم فلسطين
سندس وأمل
نورتى ياسندوسة ياقمر
وادعيلى بقه بلاش بخل
وانا طبيعى بدعى لاهالى غزة
amnesia
ادعى بذمة وخليكى جدعة كدة مش تدعلى عليا
كل سنة وانتى طيبة ياقمر
كوارث
بجد كلامك صح ومية مية
وانا معاك فى كل اللى قولتلو
ونورتى ده لول زيارة ليك
Zika
هههههههههههه
ماشى ياعم كويس انك دعتلى بامارة الامتحان جه صعب
وانا قريت بوستاتك انتا وابى
نورتنى
Nostor Azzuro
مانا شقيه بقه مشمشية نورتنى
انا جيت بس أقولك
كووووووووووووووول سنه وانتي طيبه يا جميل
ويااااااااااااااارب 2009 تبقي أجمل من 2008 وتحققي كوووووووووووووووووول اللي بتتمنيه
وتبقي سنه سعيده علينا كلنا ياااااااارب
تحياتي
hager za3bal
وانتى طيبة يا جوجو
وكووووووووووووول سنة وانتى بالف صحة وخير يارب
ربنا يصلح احوالنا
ويارب السنادي تكون أفضل م اللي فاتت على كل المستويات
شدي حيلك ف امتحاناتك
وسيبك م النت شوية
ربنا يعينك ويوفقك
--
"محمود"
:))
آلام وآمال
ماشى ياحودة هروح اذاكر اهو وهسيبنى من النت
وكل سنة وانتا طيب وربنا يحقللك كل امانيك
موضوع حلو اوي
وشامل حجات كتير اوي
وعموما حمدلله على السلامة
ومعسلامة انت مش لسة عندك امتحانات ايه الماعدك على الكمبيوتر
صحيح انت وحشتينا
بس امتحاناتك ومصلحتك احسن لنا
البوست جامد جدا رغم بساطته
وبالأخص الجزء ده
(بتتصلو ببعض ليه
اتصلو باللى بيعملو كدة
اعملو حاجة
اى حاجة تقول اننا مسلمين عرب اقويا كفايه بقه بجد كسفتونا)
خلي بالك من مذاكرتك
وركزي في إمتحاناتك
وكل سنة وانت طيبة
أخوك/ إحســـان
وفقنا الله دوما
وجعلنا اكثر ايجابية
اجتهدى فى مذاكرتك
وضعي نية الاجتهاد
لاجل نصرة الاسلام
واخوانك فى غزة
احبك فى الله
مقتطفات من حياة فتاة
خلاص ياختى قايمة قايمة
متزوقيش
هقوم اذاكر حاضر
وانتو كمان وحشتنونى
نورتينى ياقمر
شفقة هانم واحسان بك
احسان بيه نورتنى جداا
ولاهانم مجتش معاك ليه
عموما كويس ان البوست عجبك
ونورتنى
shaimaa samir
نورتى ياشوشو
ادعيلى كدة دايما
ونورتينى
وانا بحبك فى الله
ربنا يصلح حالك وحال الجميع..
Dr Ibrahim samaha
ربنا يخليك على الدعوة الحلوة دى
ربنا معاكى وما نقدرش اننا نقول حسبنا الله ونعم الوكيل وانه عليهم قدير فهو نعم المولى ونعم النصير ويارب يوفقك ويسهل لك امتحاناتك
بس بهداوة ومن غير نرفزة
عليه الصلاة والسلام
كل سنه وانتى بخير الحمد لله انى لاقيت واحدة بتتكلم زى كل واحد ونيتوا انا لما بهنى اى حد بقصد بيها السنه الهجريه
منتظر الزيدى الله يعنيه على اللى هو فيه رجل بمعنى الكلمه رفع رؤؤس العرب كتيررر ربنا معاك ومايحرمناش من امثالك
احنا مقيدين ومش فادرين نتحرك واللى مفروض يتحركوا علشان يحركونا هما رؤساءالعرب الى نايمين فى العسل
الكل بيشتم فى مصر خلاص اعملوا انتوا اللى مصر مش قادر تعملوا
مش هنقول هنعمل وتساعدونا ولما تيجى مصر تعمل ماتلاقيش اى مساعدة وتبقى هيا اللى جنت على نفسها زىماحصل قبل كدة وربنا وقف جنبنا وان كنتم ناسيين يالى بتهاجموا مصر افكركم فى 73
كان الله فى عون اهلنا غزة وحسبى الله وتعم الوكيل فى العرب اولا اللى عاوزين كل واحد يتحرك قبل التانى وامتى هنتحرك مع بعض
ربنا يوفقك فى امتحاناتك
وتشقى طريقك فى الحياة بسكينه (وش بيطلع لسانوا )
اسف على تعليقى طويل شوى بس انتى نكشتى ثغرة فى نفسى
بصي يا مشمشيةانا حقوللك وانتياولوحدةحتعرف وبعد ما تتنشر الكل حيعرف انا مش عارفة اذاكر فاكرة جيرانكم والموضوع دة واناعلقت وقلتللك عندي زيهم الموضوع اتطور جدا وبئا قلة ادب غير اننا بنطلع ع السلم نلاقي علامات سحر علي الارض والله ونفتح الشقة نلاقي حاجات مكبوبة طبعا نفسيا انا مدمرة بنام اكتر من 12 ساعةوبصحي مفجوعة من النوم او مش بحس بنفسوافضل نايمة دة اول هام الهام التاني ان الاخ ظابط جيش وقريب من الحدود واعصابي حموت علية من القلق غير كل دة مخاصمني وقافل التلفون وقالي مش نازل اجازات والمصيبةالكبيرةانة كان بيحب واحدة ومحكليش ولما عرفت وسالتة محكاليش وسالتة عن اسمها مقلش واليوم بئا يوم وحش وساكت طبعا معناة اية معناةانها لسةجواة بدليل انه حكالي عن كل البنات وخطيبتةالسابقة ومجبش سيرتها حتي اسمها اية رئيك بئا في اللي انا فية غير كل دة القضية بتاعةالجيران الجلسة26/1 قوليلي بئا اعمل ايه
طوبة ذهب وطوبة فضة
ربنا يخليكى ياجميل على الدعوايه الحلوة دى
وربنا ينصر اهل غزة يارب
فارس القمر ا
اخبار الثغرة اللى اانا نعكشتها ايه
تانى حاجة كل سنة وانتا طيب بمناسبة السنة الهجرية واخد بالك معايا
وربنا يفرح ايامك ويسعدك انتا وخطيبتك يارب مع انى نفسى اشوفها اوىىىىى
وسلملى عليها
وربنا يعينها على البلاوى اللى بتكلم عن مصر ونسيو السادات و73
حروف (دلو مرة ثانية وجرح ثاني سابقا
حبيبة قلبى متزعليش نفسك هيا الدنيا كدة
لازم حاجة وحشة تنغص عليكى حياتك
بلنسبة لموضضوع جاركم ده
هو الموضوع وصل للدرجة دى
للمحاكم
بصى لو انتو على حق ربنا يقدركم وتاخدو حقكم انا بصراحة مش قادرة افهم الموضوع اوى
بصى
انا اميلى على المدونة
لو تحبى
خودية ضفيه ونكلم سوا
عشان مفيش اى حاجة هتنفعك غير دراستك ياقمرايا
صح ولا لاء
بللنسبة للاخ باين انو الشخص اللى انتى مرتبطة بيه
اللى انتا تعبانة بسببو
وهو مش مقدر حيرتك وقلقلك ده
ويعنى ايه جاب واحد ة مش فاهمة
جابها فين
هيا مشاعرك سهلة للدرجادى
فهمينى الموضوع اكتر يمكن نوصل مع بعض لحاجاة تريحك عشان امتاحانتك ياماما
اهم منو
ومن الدنيا كلها
ربنا معاكى
وياريت نكلم سوا
ربنا يكرمك ويار بيوفقك فى الامتحان
وربنا ينصرنا يارب على اعداءنا
GiGi نورتى يا جميل
اللهم امين
انا جيت يا مشمشة ارد الزيارة
ازيك يا قمرة
و كل سنة و انتى طيبة بمناسبة السنة الهجرية و الميلادية
و ربك قادر على كل شيء
بس لازم احنا نتقيه فى كل اعمالنا
تحياتي ليكي
و كل سنة و انتى طيبة
واحدة مفروسة
نورتى يا جميل وعيزاكى تنورينى ع طول
وربنا قادر ع كل شى
وكل سنة وانتى طيبة
1xbet korean - Legalbet
The main reason why you do this is because 1xbet южная корея it is not just for esports gambling. 1xbet is one of the fastest growing eSports betting sites. In addition to its
إرسال تعليق