السبت، 29 نوفمبر 2008

انا وجارنا الحيوان



  • على فكرةميستاهلش انى اكلم عنو لانو حيوان لالالا حيوان ايه ده الحيوان عندو رحمة عنو مش لقيالو صفه غير لفظ(تييييييييت ؟) تخيلو اى حاجة سافلة قلوها عنو انا حبيت اكتب البوست عشان اقولكو الرسول عليه الصلاة والصلاة وصا على سابع جااااااااااار تخيل انتا بقه احنا ساكنين تحتو القصة وما فيها ان احنا ساكنين فى بيت جدتى اللى احنا موجودين فيه حالين اول لما ماتت فضلنا مكانا ووصاحب البيت عشان بيحبونو ا وامى انسانة طيبه لابعد الحدود كتبو لينا عقد مدة الحياة اول لما ابنهم عرف الموضوع ده اتجنن وقاطعهم سنين طويلة لانو طمعان فى البيت كل الكلام ده مش مهم حصل فى مثل هذا اليوم المشهد امى بتنشر عدد واحد عبايه فى البلكونة
    تحت البلكونة مفيش اى حاجة ركزو فى التفاصيل تكسبو الفوازير لقينا الحيوان وهو طالع فضل يشتم ياولاد كذل يا ولاد كذا ويشتم امىىىىىى ويشتمنى طبعا انا سمعت كدة حصلى كهربا فى مخى وبهدلتو
    تخيلو يا جدعان معايا واحد بيشتمنا وبيغلط وبيقول كلام ميصحش وبهدلنا بيتشطر علينا عشان احنا لوحدنا طبعا اتصلت بى بابا
    ونزل الساعه واحدة بليل روحنا عشان نعمل محضر نلاقى العسكرى يقولك ايه الظابط مش موجود فى مؤمريه اسبوع ( لفظ ابيح جدا) يعنى لو حصل جريمة قتل ولا حد اتسرق ولا موزة حد اتحرش بيها يستنو الظابط روح امو لحد مايجى بجد احنا فى بلد الحيوانات
    بابا روح البيت مرديش يتخانق معا الراجل لان الساعه بقت 2
    وبابا قال احنا جمبنا جيران حرام نزعجهم بليل ونقلق راحتهم شوفتو بابا فكر فى الجار اللى الرسول وصا عليه لاكن ابن الكلب السافل بهدلنا واحنا ستات لوحدنا تانى يوم بابا مسك فى الكلب وشتمو وبهدلو ومردش عليه لانو كان بينصب على واحد وبيرسم عليه الدوررررررررر والراجل ده جه يقولنها انو هو بيعمل معانا كدة عشان عايز يخرجنا من الشقه
    وانو عندو كنسر فى الدم ربنا يعافينا وعايز يأمن مستقبل اولاددو الحيوان ده
    طرد امو من االبيت وحابس ابوه عشان يستولى على البيت ده كلو عشان حتة بيت قديم وكما تدين تدان ابوه عمل كدة بردو وع ابوه فاهمين ولا ايه
    المهم انا حبيت افضفض معاكو وبردو معرفتش اوصلكو اللى عايز ة اقولو واللى حصل انا مدايقه ودايما بفتكر الحديث بتاع الجار للدرجادى احنا بقينا كمسلمين ده مستوانا الاخلاص اخس عليك يا زمن

هناك 27 تعليقًا:

محمد حمدي يقول...

بجد عارف انا شغل صحاب البيوت لما يعوزو يطفشو حد من بيت بيكون عامل ازاى .. ربنا يكون فى عونكم من جاركم المنيل ده ... يا ربنا يهديه .. يا ياخده

تحياتى ليكى

msafa يقول...

الكلب لما ( يهوهو ) مدش يرد عليه ده ممكن تجيلة ساكته قلبيه علشان مفيش حد معبره
احسن حاجه انكوا مش تعملوا اهتمام للموضوع لانه ممكن يمسك نقطة ضعف ويعلرف انتوا بتدايقوا من ايه ويعملوا

احساس لسه حى يقول...

عزيزتى
شوفى هو من وجهه نظره اخدتم حق من حقكم وعلشان كده متغاظ ومتضايق

بس مهما كان المفروض ما يعملش كده وبالذات انتى بتقولى انه مريض

هو عاوز يامن عيشة اولاده لما يموت وميامنش اخرته باللى بيعمله

الناس بجد اغبيه ومش عارفيين ان الاخره اهم من اى شئ ولازم تكون اهم شئ بجد

اه الواحد بيغلط بس عمره ما تعدى على حق حد لفظا وعملا

بس شوفى اوعوا تسكتولوا اصل فى البلد دى الكل مش بيجى الا بالعين الحمر

ومفيش حد بيجى بالذوق الا القليل اوى

ربنا يهديه

تحياتى

سلام

اقصوصه يقول...

دايما في السيء وفي الجيد بالدنيا

وللاسف ان جاركم من النوع السيء

إدعيله بالهدايه عسى الله يهديه

تقبلي مروري من هنا

Ahmed يقول...

شوفي
ده بيحصل في معظم البيوت. لان الأدب والأخلاق والتدين للأسف بأه من بره بس. لكن معاملات الحياة اليومية بيحكمها قانون الغابه.
عشان كده الحيوان اللي بتتكلمي عنه واحد من زريبة حيوانات منتشرة في كل انحاء مصر.
وخصوصا لما ربنا يكرمك كده وتكوني ساكنه في بيت عيله وعندك عربيه كحيانه -نصر 127- وفي حيوان في البيت بلطجي منعك تركني قدام البيت رغم ان مفيش حاجه قدام البيت

صدقيني الحيوانات كتير بأنواعهم المختلفه
كلاب بتهوهو
قطط بتخربش
بقر بينعر
ناموس بيقرص
دود بينخر

كل واحد وطبيعة الحيوان بتاعه
ولا ايه؟

قوس قزح يقول...

التعامل مع الناس دى لازم يكون بمنتهى الذكاء
لان بيكون هدفه ان صورتكم تكون وحشة
و تحصل مشاكل و يمتنع عن اخد الايجار


الحل انكم متردوش عليه بنفس اسلوبه و يتعمل محضر له فى كل مرة لاثبات الحالة

و ربنا معاكم

Empress appy يقول...

ظابط مين اللى فى مأموريه هو العسكرى بيشتغلكوا ولا ايه فيه اختراع اسمه مباحث والنبتشيه بتبقى موجوده طول الليل لازم يكون اتنين ظباط على الاقل فى القسم معلش هو العسكرى اشتغلكوا بس
المهم ده تجاهلوه لانك هتدخلى معاه فى حوارات كتير

mohamed ghalia يقول...

تقدرى تخدى حقك وانتم معاكم عقد مدى الحياة يعنى هو ميقدرش يعمل اى حاجة يخبط دماغه فى الحيط
ممكن بس طلب يعنى انتى قولتى الرسول وصانا بلاش بقى الشتيمة
عايزين تدونا يكون خالى من أى لفظ
تحياتى بجد اسلوبك هايل
دمتى بكل الود
بالتوفيق فى دراستك

البت المشمشية حلوة بس شقية يقول...

شكرا لكل واحد دخل وعلق على الموضوع محمدحمدى _ msafa-احساس لسه حى-اقصوصة _Eng. Ahmed Abo El-Ellaقوس قزح --~*§¦§ Appy §¦§*~_ وبلنسبة ليك يا محمد معلشى انى شتمت بس بجد انتا متعرفش اد ايه هو اذانا من غير منعملو حاجة وبعدين ده انا بشتم دى اقل حاجة اوصفها بيه

رئيس جمهوريه نفسى يقول...

موضوع كما تدين تدان ده بيحصل وسمعت عن امور زى كدة كتير حصلت بين اب وابنه وبعدين جه ابن الابن كرر نفس الفعل
الموضوع عموما لا اخلاق ولا دين ولا مبداء بتحكم تصرفات حد دلوقت بتحكم المصلحه وبس

بنت مصريه يقول...

معلش يا مشمشيه
فيه ناس وحشه كتير
بس صدقينى الكويسين اكتر بس انتى دورى
ههههههههههههههههه
ربنا يصبركوا يا بنتى
احييكى عالمدونه

قلم رصاص يقول...

ربنا يعينكم عليه
وصدقيني هيجيله يوم ان شاء الله

تقبلي مروري وتحياتي

صاحب المضيفة يقول...

هو فعلا عندك حق بالكلام اللي انتي قلتيه كده

لكن برضو مش لازم نشتم الناس بالشكل ده لاننا اكبر وارفع من اننا ننزل لمستواهم

صح ولا انا غلطان


تحياتي يا مشمشية هانم

وخلاص بلاش سكاكين واكياس

:):):):)

كل التحية

الربان يقول...

تحياتي

العيب ليس في الزمن...العيب في البشر
الذين تغيرت قيمهم و اخلاقهم...بسبب الطمع و الجشع...او لسبب ما اخر.

المهم اقترح عليكم الا تنزلقوا و تردوا
علي الاخ...ربنا يهديه...لان هذا ممكن يسبب تعقيد للمشكلة....فقط اتركوه يخرج و ينضح ما بداخله...و استعينوا بالله و بالصبر...


تحياتي و تقديري

البت المشمشية حلوة بس شقية يقول...

رئيس
جمهوريه نفسى
ياريس متبقاش تغيب عنى كدة




بنت مصريه
نورتى يا جميل وهعمل بنصيحتك وهدور بس انتى قصدك على عريس ولااية





قلم رصاص
صدقنى وانا هستنى اليوم ده نورتنى بدج يارب متكونش اخر زيارة



صاحب المضيفه
حاضر يا انس مش هشتم بس هو يستاهل اكتر
من كدة
وكويس انك سمعت كلامى وجيت احسن ليلتك كانت هتبقى بيضا


الربن
حاضر هعمل بنصايحك
وبجد نورتنى
واتمنى متكونش
دى الزيارة الاخيرة

إبن مصر يقول...

السلام عليكم

اول مره ازورك الاقى عندك المشاكل دى كلها

حبيت احيكى على المدونه وعايز اقولك ان بابا اتخذ الطريق الصح ما راح بلغ ولكن العسكرى مش عمل واجبه وفى الأخير مش عايزك تزعلى منه لأننا اكيد فى مصر والبلاوى مش بتحصل الا بسبب ان الناس مفكره انها بزراعها تقدر تعمل اى حاجه والقانون والشرطه عاجزين عن الحمايه للضعفاء ولكن بيحموا الأقوياء اتمنى تكونى فهمتى قصدى
تحياتى يا مشمشه

البت المشمشية حلوة بس شقية يقول...

Son of Egypt
عندك حق
لو كان حصل غير كدة من العسكرى
كنت هشك ان احنا مش فى مصر
دة السلوك الطبيعى وده الطريق لاى مشوار القانون
بيدخل فيه
اوعا تكون اخر مرة تزورنى
لازم تنورنى تانى
ومعلشى اول مرة تيجى كدة تلاقى الغسيل اللى نشرتو المنيل ده

غلبان ... وليا لسان .... DeXTeR! يقول...

ممممم ...


هقولك مثل لطيف اووي

و شوفته عملي
في فيلم اجنبي اسمه duplex


لو صبر القاتل عـ المقتول .. كان فطس لوحده

amnesia يقول...

البنت المشمشيه حلوه بس شقيه ..
عجبتنى اوى وعجبنى اسلوبك
ده لانى لسه جديده وبقلب فى المدونات
لقيتك من الناس الى عجبونى وعجبنى تلقائيتهم....

طبعا ليكى حقى تتضايقى .. بس هقولك فى غيرك كتير ويمكن انتى اهون من غيرك

بس ولا يهمك ولا تعبرى صدقينى مع الاصناف دى مينفعش معاها الا التطنيش
وخلى دمه يتحرق اكتر .. ربنا يهديه

انسانةعادية فى عالم مش عادى يقول...

ولا تزعلى نفسك ابدا ابدا ياجميل الناس دى اخيرها تتجاهليها تماما
مادام القانون فى صفكم ولا يهمك منهم اى حاجة بس مش تعكرى دمك ابدا

حاجــ عيال ــات يقول...

السلام عليكم
أنا على فكرة مقدرة حالتك وعذراك جدا في وصفك ليه
لكن الرسول الكريم كان جاره اليهودي ومش المسلم بيأذيه فوق ماتتخيلي واكتر من جاراك ده ما آذاك
لكن لما تعب سأل عنه والنتيجة جاره أسلم لحسن أخلاق الرسول (صلي الله عليه وسلم)
طالما انت بقى اتكلمتي عن الجار وقدروتنا
ماكنش في داعي تغلطي فيه بالشكل ده ياحبيبة قلبي مش لأنه هو مايتسهلش الغلط لاء عشان انت اكبر من كده انت اللي ماتستهليش بعد الأذي ده كله ما تخديش أجرك من ربنا وده فعلا بيضيع اجرك ..
لكن انا عارفة انه آذاك وان ده غصب عنك
ياريت تكلمي شكل الاقتداء وتصبري على آذاه ليكي عشان تاخدي الاجر كامل
وربنا يهديه يارب ويحفظكم من شره

حروف يقول...

اانا حاسة بيكي جدا لان عندنا نفس ظروفك والله وبجد حصل اللي طلعني عن شعوري احنا معروفين في الشارع كلة ان ملناش اختلاط بحد واحترامنا وكل الناس بتضرب بينا المثل وكمان ساكنين في منطقة راقة معرفش اية اللي جاب ناس زي دول يسكونوا في نفس البيت وبردوا كنت لوحدي انا وولدتتي والساعة 1 بليل ووالدي كان مسافر واخويا مش موجود ومش شتيمة بس الموضوع اتطور طبعا كانت اول مرة ازعق فيها والدتتي من النوع الطيب واللي تقول معلش حسبي الله ونعم الوكيل بس في الموقف دة مقدرتش اني اسكت بجد وفكرتيني ربنا معاكم ومعانا ادعيلي وحلو اوي البوست وانا لاحظت كل ماروح حتي اعلق الاقيكي معلقة بعدي ع طول قلت لما اشوف مدونتك وطلعت حلوة جدا وكل سنة وانتي طيبة

مطلق يقول...

متبهدليش نفسك معاه

اعمليله محضر عدم تعرض و ريحي بالك

البت المشمشية حلوة بس شقية يقول...

غلبان ... وليا لسان .... DeXTeR! hادينى هصبر ياسيدى




amnesia يقول... هزور مدنتك الجديدة



انسانة عادية فى عالم مش عادى
اة هو القانون ابن الايه ده فى البلد بنت الايه دى هيجننى



حاجات عيال




حاضر مش هشتم تانى عشان اخد الاجر


حروف (دلو مرة ثانية وجرح ثاني سابقا
يامحاسن الصدف شوفتى بقه الصدف خليتك تيجى تزورنى نورتينى بجد وانا هدعيلك




kareem
اخيرا نورتى تمام يا فندم هعمل اللى قولت عليه

غير معرف يقول...

على فكره الناس ده بيخافوا من اللى يخوفهم واكيد هيفكر فى حاجه جديده بس المهم انك بخير وبعدين الطمع اللى بقى فى المصريين مش جديد وموضوع العسكرى ايوه فهمينى ازاى يعنى انتى فى مصر وعايزه ضابط يكون موجود فى قسم الشرطه ازاى صح متبقاش مصر وبعدين خلااااااااص كل واحد بقى عنده شعار انا جمهوريه نفسى وبيقولواا بلدنا لسه بخير هههههههههه

غير معرف يقول...

على فكره انا زعلان منك لانك مفكرتيش تقوليلى على حاجه زى ده بس بصى هو واطى بس هى ده الدنيا زى ما قالوا الدنيا صغيره وبكره هيجى اليوم اللى هيحصلوا فيه كده هو مش كما تدين تدان ويارب اقابله او اشوفه اصله زباله وبعدين الضابط انا بقى عارف هو كان فين كان نايم والعسكرى بيكدب علشان ميتفصلش عرفتى ليه العسكرى كدب هى ده ساسه بلدنا انا جمهوريه نفسى عمااااااااااااد

غير معرف يقول...

انا نسيت اقولك حاجه مهمه اوى خلى بالك من نفسك