الخميس، 5 فبراير 2009

شخصية ممتعه

بصو اناعايزكو بجدتقروا البوست ده للاخر
اوعدكو انكو هتستمتعو جداا وهتعرفو ليه انا كتبت عن الشخصية
دى لان اول لما قريتها بجداليوم ده نفسيتى بقت فى السما
وبجد من اجمل الشخصيات اللى ممكن تكتب عنهاهى شخصية
عمربن عبد العزيز
هتكلم عن الاجزاء اللى عجبتنى فىحياتو وفى اخر البوست هتعرفو انا كتبت عنو ليه
@@@@@@@@@@@
عمربن عبد العزيز
عرف حياة القصور وعاش وتربى فيهاعاش حياتو فى نعيم
وكان غنى جداكان بيلبس من اغلى الملابس وكان دايما متواجد فى مجالس الغناء
وكان بيشجع المغنين لدرجة انو وصل معاه الامر انو بقا يغنى ويألف الحان
وكانت قصورو فيها اغلى الاثاث
كان يعاب عليه حاجة انو كان بيبالغ فى وسائل الترف والنعيم
وافراطةفى حسن المظهر وكان بيختال فى مشيتو  لدرجة ان كانت مشيتو
بتسما بلعمرية نسبة ليه يعنى معنا كدة انو كان ليه طريقه فى المشى خاصة بيه كانت
الجوارى تحب انها تشوفها ويتعلموها منو
رغم كل ده كان لايطعن احد فى بطن ولا فرج ولاحكم
لما تولى الخلافة بقا غسل العطر وقص شعرو وباع كل اللى عندو من ملابس
وعطور ووضع الفلوس دى فىبيت المالوكان بياكل اقل حاجة فى الاكل وبعد عن نفسو اى حاجة فيها نعيم او ترف وتخلص من كل الاموال اللى ورثها لاعتقادا منو انها حرام
وكمان امر زوجتة بانها ترجع اى اموال او ثياب او جواهر ادهالها ابوها
لبيت المال
وبكدة بقت حياتهم فى حالة اقرب الى الفقر
وفيه قصة هتنبين كلامى ده بس انا هنقلها بلحرف من الكتاب
قدمت  الى عمر امراة من العراق تطلب عطاء لها ولبناتها الخمس فدخلت الى بيت الخليفة
فدخلت على زوجة عمر فنظرت هذه المراة الى البيت  فلم تجد شئ له بال فقالت جئت لاعمر
بيتى من هذا البيت الخرب
فقالت فاطمة انما خرب هذا البيت ليعمر بيوت امثال فامر لها عمر بما يكفيها هيا وبناتها
خلصت القصة
وكمان ابدا مرحتش نفس عمر لمغريات الدنيا او اخذ اموال الناس
اكتر الجوانب اللى عجبتنى فى قصة حياة عمربن  عبد العزيز
انو حدد الحد الادنى لحاجات كل انسان من بيت المال فقال لابد لكل مسلم
من مسكن وخادم وفرس يجاهد عليه العدو  واثاث
فكان بيت المال يتكفل بأحتياجات كل مسلم فلمسكن باعتباره انو ضرورة
والاثاث من مسلتزمات البيت
والخادم فى حالة عجز المسلم
وفرس للجهاد فى سبيل الله
وفتح دار لاطعام المساكين وابن السبيل
واعتنا باصلاح السجون وعاية المسجونين
وامر ان لايوثق السجناءبوثاق يمنعهم من الصلاة
وامر ان لايوثق اهل الدعارات اهل الفساد والشر والا يجمع فى السجون بين قوم حبسو فى دين وبينهم فى بيت واحد
@@@@@@@@@@@@@
انا متكلمتش عن كل جوانب شخصية عمر بن عبد العزيز عشان مهمما كتبت مش
هقدر اوصف الشخصية الجميلة جداا جدا
وان هيا شخصية سياسية من الطراز الاؤل
عشان كدة انا كتبت عن الجوانب السياسية دى اللى فى حياتو
عشان اقول
لو كل رئيس دولة اعتنا بشعبو كدة وكان بيفكر بحكمة وحب ورعاية مكناش وصلنا لكدة
انا الكلام ده نقلتو من كتاب الكلية بتاعتى
وكنت بحاول ابسط الكلام
عشان محدش يقول ايه الهطل اللى هيا كتباه ده
سلام سلام سلام سلام سلام سلام سلام سلام
ها ها ها  ها ها

الأحد، 1 فبراير 2009

للبنات فقط

ازيكو يا عيال عاملين ايه

ام هند ونوال

كنت بكلم فى ذات مرة مع الواد عادل

اللى هو صاحب مدونة البلد دى فيها حكومة http://elbald-dy.blogspot.com/


يلا اسمك اتكتب عندى اهو ياعادل وهتشهر على افايا
كنا بنكلم على الزمن دة والولاد والبنات

وكنت بقولو ازاى الولد بيفكر فى البنت


وايه تفكير الشباب فى الفترة السودة اللى احنا فيها دى

وبما انى افكارى منورة قصدى نيرة جت الفكرة من هنا اننا نعمل


مناظرة يعنى كل واحد من جاهتو هيكتب وجهة نظرو

ولسه فى مواضيع جايه كتير


@@@@@@@@@

بما انى بنت وست البنانيت كلها


ههههههههههههههه


غرور بقه مش مدونتى لازم اتنطط على كيفى



هكلم عن انواع البنات اللى بشوفها واللى هيا تقريبا


فى اصحابى يعنى بشوف شخصيات وانماط مختلفة


بكلم بلنحوى اهو اى خدعة ولعبة


فققدر اقولكو ان كيدهن عظيم والبنات دول مصايب بجد

بس انا مش منهم طبعا



نقول بسم الله ونبتدى

787878788787877878787878
البت المايصة

البت المايصة دى طبعا يعنى موجود منها كتير اوى اوى وى


والله هيا ازاى مش فاهمين ؟اقولكو ازاى

اللى هيا دايما تلاقيها بتدلع فى كللامها مع الولاد


مش لسمح الله لانها رقيقه

لاء لانها جاية من منطقة شعبيه مثلا وبتدارى نفسها بلكلام والاسلوب الناعم ده



وتلاقيها عاملة تكلم بلانجلش وهيا مش معاها غير دبلون كهربا مثلا


وتقول معيش كرديت فى الموبيل


وهيا مش عارفه يعنى ايه كرديت


وهو ايه صحيح كرديت

اة صح يعنى رصيد وتقوليها تقولك معلشى لازم اروح اصلى بابى ومامى هيقطعونى




وتلاقى اساسا ابوها وامها فى السجن


نوع تانى من البنات


اللى بقه كل حياتها الميكب


سورى يا اصحابى اانا مش بكلم عليكو خالص مالص


تلاقى لو راحة تشترى عليه جبنة ولا علبة كبريت


لازم تحط البدرة والكحل والايشادو


عشان تظبط نفسها وبعد كل محاضرة تدخل للحمام تهد اللى فى وشها وتحطو من اول وجديد


عالم فاضية
ده حما م الكليه ده قسما بلله لما بروح مع اصحاببى عشان نعدل الطرح مثلا

نلاقى امة لا اله الا الله


فى الحمام

ومشغلين اغانى على الموبيلات ونازلين رقص





اى والله زى مابقولكو كدة واللى بتسرح شعرها




واللى صاحبتها مسكاها بتفليها


واللى بتحط ميكب


واللى بتغير هدومها يعنى الحمام فى الكليات ده عالم تانى


فى نوع محترم جداا الىل هو من البيت للكبارية قصدى الكليه ومن الكليه للبيت





ودى تلاقيها حريطة فى الكتب


ومتفوتش محاضرة وبتبص لاى ولد فى الجامعه على انو مايص وصايع وبتاع بنات

مع انها بتبص من تحت لتحت


فى الخباثة كدة


وفى نوع كل همها تيمو ميدو اصحابها


وكل شوية رنات على الموبيلات

وهدايا فى الفلانتين

وفيه البنت المعتدلة اللى تلاقى لها اصحاب ولاد فى الجامعه بس ناس محترمة


بيتعاملو بأدب وواعتدال


والبنت دى من الصعب انها تكلم اى حد الا بعد ثقه وتاكد من احترامو


البنت اللىمش محترمة بقه اللى بتدايقنى وتفسنى

اللى ماشية فى الجمعه ولا فى اى حتة تتعرف على اى واحد


وتلاقيها بتتنحح وهيا بتكلم معاه


وقال ايه بقه معجبة بلون الفنلة بتاعتو قصدى التيشيرت



احسن حد يتريق عليا انا مش نقصاة كلامو اللىزى السم



فى بقه البت المسترجلة


ودى بقه منها كتير اوى تلاقها ضاربة بنطلون الولاد



ووبتمشى زيهم وحتى كلامها


اشطة يا مان والحاجات دى ودى الولاد كلهكم بيعتروها اخوهم الكبير


مفيش اى ضرر منها ولو دخلت فى علاقة حب ولا حاجة


يبقا امو داعية عليه فى ساعه مغربيه وتلاقيها بتكلم فى الكورة وعن اوبو تريكة


والنيك نيم بتاعها على الاميل


المعلم حسن شحاتة ولا حاجة

البت الروشة بقه


دى بقا اللى تلاقى حياتها بديهات ومناكير ولينسزز وحوارت كدة




افتكر فى مرة وانا ماشية مع بابا خارجين يعنى


ايه ماشية معاه دى قصدى خخارجين سوا يعنى



بنشوف حاجات سودا


وانا بابا لازم يعلق عللى كل حااجة لو معلقش ميبقاش ابويا اللى ربيتتو
واحدة معديا ببنطلون محزء وملزق


وضاربة شعرها


الاقى ابويا يقول ايه



اهى واحدة زى دى تلاقيها سالفه من صحبتها البنطلون



وجايبة البدى من الوكالة او من السوق ب2 جنيه ونص



وشحتة الجذمة
اسمو صابو يابابا اسكتى يابنت ال00000


سورى يا جماعه دة بابا بيهزر معايا بس


وتلاقيها جايبه صبغه ورنيش من ام جنية ونص

وعاملة فيها بقه البت من جردل ستو


ابويا ده عسل والله



نوع بقه من البنات


اللى بتصاحب الواد ابو عربيه اللى اهلو مدلعينو


عشان تتغدا على حسابو


يحولها رصيد موبينيل لام نبيل


يسبلها باقى اى حاجة معاه



يجبلها فى عيد ميلادها دبدوب بيصوت




وتلاقيها عاملة فى وشها البدع





وحاطه لينسزز قال يعنى البت وصلت للعالمية


وعايزة اقولكو ان الينسزز دلوقتى بقت ارخص حاجة يعنى ب25 جنية

اة واله زى مابقولكو كدة



يعنى كلو مركبها دلوقتى


بس انا الحمد لله طبيعى عينى حمرا لوحدها


عووووووووووووووووو


نوع كمان البت اللى تلاقيها مشتركة فى فرق الكشافة وعاملة فيها



المفتش كرومبو



واللى تلاقيها دايما ذات رارء سياسية وهيا متبقاش فاهمة حاجة اهى كلميتن


لقتطهم من اى حد



وفيه بقه البنات الطبيعيه




اللى هيا حياها عادية


بتلبس زى باقى لبنات ولا ضيق ولا واسع لبسها معتدل



انسانة طبيعية كدة مفيش فى حياتها اى تكلف




نوع اخير وده اهم نوع واخدين بالكو



االلى هو اللى زى كدة



رقة وادب واخلاق وثقافة ورزانة وهدوء





ومش بتعمل شقاوة وعسل كدة تتاكل اكل





ايــــــــــــــه حد عندو مانع




اة بحسب



ده غير طبعا صفات تانية كتيلا حلوة فيا




دلوقتى المناظرة اللى بينى وبين عادل انتهت فى الموضوع ده عموما اانا هحطيت صفات اولاد


اللىكتبها عادل عشان لو حد عايز يبص عليها فى اللينك اللى فوق



مش لازم يعنى انا اساسا اللى كتبالو الموضوع


ونتقابل فى مناظرة جاية مهمة
انتظرونااااااااااااا

soon



mish misha



ايه رأيكو فى الالمانى ده اة يارجلى

الجمعة، 30 يناير 2009

كيف تكون مايكل جاكسون

اولا قبل ما ابدا البوست عايزة اقول انى خلاص اخدت الاجازة وكل يوم


بلعب بلعجلة بتاعى فى الشارع وانى فضيت ليكو خلاص


لذلك قررنا

انا البت المشمشية الشقية


دفع رسم دخول المدونة

2جنيه ونص

ايوة امال ايه هيا اية مدونة وخلاص


والى يجى المدونة ميجبش معاه عيال صغيرة عشان ميكركبش المدونة


احسن اطلع عينو واخلعلو سنانو

*************************************
دلوقتى البوست ده شارح نفسو

يعنى مش محتاج كلام نبتدى مع الصور

1



****************************************************************

***************************************************************

2


******************************************************************

4



***************************************************************

5





****************************************************************

6






*********************************7********************************


*********************************8*********************************

*******************************************************************

عن ابن عباس رضي الله عنهما قال: قال رسول الله صلى الله عليه وسلم : لعن الله المتشبهين من الرجال بالنساء، والمتشبهات من النساء بالرجال" رواه البخاري.

استغفر الله العظيم

يارب وانا ماشية فى الشارع مرة ملاقيش المنظر ده ولا انتو ايه رايكو؟؟؟

الأحد، 25 يناير 2009

مسابقه

 تحدييييث
خلاص انازهقت منكم ومن اجابتكو داخلين تهرجو وتهزرو وحدش حل المسابقه
دى مش مسابقة بقه
واللى داخل يقولى الحل تونس وحد تانى البطيخة وعروستى
اظاهر انى اتساهلت اوى معاكو عايزة اقولكو انى خلصت امتحانات
عارفين يعنى ايه
يعنى زمن الدلع خلاص انتها
هقلب ع الوش التانى
وهطلع عينكو
كل واحد يخلى بالو من مدونتو
عموما انا هقولكو الاجابات بتاعه المسابقه
1-اسكندرية لية
2-اللص والكلاب
3-ام العروسة
4-الزوجة التانية
رغم ان كلكو قلتو موعد على العشاء امال لزمة صورة الست اللى بتعيط دى ايه
حطاها عياقة انا
دى مراتو التانية وبتعيط ازاى بقه اهوكيفى كدة
5-امراة هزت عرش مصر
6-فارس بلا جواد
طبعا مشاء الله عليكو محدش حل المسابقه كلها صح
فيه ناس كانت بتجاوب حاجات صح
طبعا مفيش فايز فى المسابقه دى غيرى ومفيش جايزة لاى حد
وكل اللى داخل يقولى يا اكسب ياماهفجر المدونة
ياويلو منى
ياانا يانتو فى البلوجات
من غير سلام
*******************************************************************
 قرب
تعالى يامدام قرب يابيه خوشى ياموزة قرب يااستاذ
معاناجوايز ب30الف جنيه حل الفوازير تكسب كتير

اتصل على زيرو 900زيرو900كمان زيرو900

وابقا قابلنى لو حد رد

المسابقه دى لعبة هنلعبهاسوا كنوع من انواع التغير والبعد عن الملل
وعشان احنا خارجين من الامتحانات وعايزين نروق ونفك

وبدال ماالعب فى الشارع واضربلى حد قولت اجى العب معاكو هنا
***************************************
المسابقة دى عبارة عن لعبة الافلام
هحط شوية صور
وانتا تحاول من كل صورة وصورة تجمع اسم فيلم وتكتب الفيلم

مش هفكركو بلجوايز هقولها فى اخر البوست
نبتدىىىىىىىىىىىىىىىىىى

*********************************

1فيلم


*********************************************************************

2فيلم










***************************************************************

3فيلم


******************************************************************


4فيلم
********************************************************************


5فيلم




********************************************************************



مسلسل1






+
اسم النيك نيم لمدونة حياتى كتاب مفتوح دورو بقه
*************************************************
كل واحد يجاوب ويقول اسم الفيلم او المسلسل
ويكتب الاجابات وانا هنزل بوست عشان اقول مين اللى كسب وكانت اجباتو صح
وطبعا الجايزة مفعجاة
قصدى مفجاة
يلا عيشووووووووووووووو
إضافة صورة

الثلاثاء، 13 يناير 2009

ده انجليزى ده يامرسى

سنتمتمضننو
اللى هيا ايه مش فاهماها
اللى بتاعه الاذاعات اللى بيقولها بعد متشات الكورة
وهيا متشات الكورة فيها سنتنتضنو
ايه سنتنتضنو ياحمار
ده سيم بينو وبين الاذاعات
الاذاعات المحليه
بيلم بيها الاذاعات من على القهاوى
سنتنتضنو الاذاعه المحليه البيبس كو البى بى سى
هنا البى بى سى
مرشات عسكرية وقران
بردووووووووووو
امال مش حزن عام
هنا البى بى سى ان ان اااااااان
مرسى ابن المعلم الزناتى اتهزم يارجالة
الكلام ده كلو من اذاعه البى بى سى
اة هههه وقالو يارجالة بلانجليزى
لاء ودى قالوها ازاى دى بقه
بلانجليزى
ايوة يعنى ازاى
قالو مرسى ابن المعلم الزناتى اتهزم يارجالة بلانجليزى
قصدى يعنى المذيع قالها ازاى
بلانجليزى
طيب انتا سمعتها ازاى
من الشمال لليمين
اةةةةةةةة انا كنت قاعد كدة والراديو كان الناحية دى كدة
لالالالامش قصدى ولقيت امى
وانامالى ماليش دعوة بامك
ليونس شلبى الكلام
طبعا انتا قاعد كدة ولا فاهم حاجة
لالالا ازاى اانا قاعد اهو مستنيك قول انتا بس
ايوة يعنى نطقها ازاى الرجالة دى بلانجليزى
قال مرسى ابن المعلم الزناتى اتهزم
ياميييييييييييييينز
يامينز
اة جمع ابوسترف اس
اصل انتا مش فاهم انا هفهمك
يونس شلبى
هه هه والله العظيم ياجدع الراجل ده بيسمع حاجات غريبـــــــة
ده صحيح بقه زى ما هو انتا قولت ايه انتا ولا عملت ايه
قعد يقول اةةةة
اللى احنا مش عرفينها
حاجة كدةة
هو مش هو اللى قالها وانتا مشكنت معانا هنا
انتا روحت فين انتا

ايه اللى وداااك
مش اللبتاعة دى احنا
اللى بناخدها ولا ايه دى
هاة البتاعه اللى انتا عملتها ببؤئك دى مش علينا دى ولا ايه البتاعه دى

بتقول ايه يبنى انتااااااااا

قول كدة البتاعه اللى انتا قولتها دى قول قول انا عارفها بس قول

 
وانا اقول يارب اهى البتاعه اللى بشوفها فى الكتاب ياجدع والله

 
العظيم ياجدع ده انتا هايل
انتا جرالك ايه انتا سافرت بلاد برة ولا عملت ايه انتا ولا روحت فين

 
قول بقه البتاعه اللى انتا عملتها كدة

 
قول بقه كدة هو انتا اللى ولا المذيع اللى عملها ولا انتا اللى عمتها للمذيع

 
هو مش مذيع ولا بيشتغل ايه المذيع دهولا عمل ايه ده

يانهار اسود
ايه ده ياجدع ده

 
الواد منصورر

 
مالو مبيجمعش

 
ايه ده السلوك اللى عندو كلها دخلت فى بعض

مخو بقه فى افاه وجذمتو بقت فى دماغو
اايه يبنى

 
مش انتا اللى بتجيب لندن ولامين اللى حصلك ولاايه

 
ده انتا وصلت ياجدع الف مبروك والله ياجدع ده انتا المفروض متقعدش معانا بقه

 
تروح تقابل الناس اللى جاية من برة دى وتقولهم ع الكلام اللى هما مش عارفينو

 
والله العظيم ياجدع الف مبروك يامرسى

 
ده امى بتدعيلك وبتحبك وبتقولى مبتجبش مرسى يذاكر معاك ليه يامنيـــــل
قول بقه البتاعه اللى انتا عملتها دى قول بقه يامرسى كدة
ااااايه يبنى اللى انتا بتقولو ده
البتاعه اللى انتا قولتها

انا عايز جملة مفيدة قولى جملة مفيدةعشان افهمك ايه اللى قالها وقولتهاالبتاعه امى

امك مالها ومالك الكلام ده

 
تعالى هنا
مش كان بيكلمك انتا ولا بيكلم مين
يىىىىىىىىىىىى

هو مشانتا اللى000
مشن اللى كان واقف هنا مش انتا اللى كنت واقف هنا
انتا عايز ايه

مش انتا قولت البتاعه ولامين اللى قالها ولا ايه

بتاعه ايه

 
اللى انتا عملتها الاخرانيةوقولت هييييييه

 
وقولت عملها من هناك من عندا ال0000

قولها قولها احسن حد يسالنى فيهاوابقاا00000
ابقا محرج قدامو بس
انا مش فاهم انتا عايز ايه منى

مش انتا اللى قولت

وطيب انتا اسمعانا هقولك حاجة انتا عيد الشريط من الاؤل وانا اشورلك

 
ع الكلمة واقولك اهى اهيا دى الل0000 البتاعه

 
كلمة من الكلام اللى انا قولتهم

 
ايــــوة امال ايه انتا بتقول كلام ياجدع قول كدة بقه قول

 
هقولك كل الكلام وانتا تنقى الىل يعجيك

 
قول بس الحاجات

 
سنتنتنضنو

 
قول بس احنا بنقول الكلام ده بردوبس قول بس

بتقول سنتنتنضنو

 
امال ايه لسه قايلهالو اول امبارح اةةةةوهو قعد ي0000

قايلها لمين
قايلها لمين ايه ماهو ماعانا هنا فى الفصل

اسمو ايه اللى هناك ده
اسمو ايه ايه ماهو ماعانا هنا فىالفصل قول بس
اللى هو اسمو ايه؟ قول بس انا عارفو انا عارفو مالكش دعوة باسمو
قول بس انا عارفو يااخى بس هو مش واخد بالو من
قولت سنتنصنو انتا مبتسمعش كمان

 
لاء قولها قدامى

سنسنسن البتاعه الىل انتا قولتها دىاحنا بنقول كل حاجة ياعم
اةةةةةةةةةة
ايوة هيا دى بقه قول بقه
مرسى ابن المعلم الزناتى اتهزم يارجالة

ايوة احود شمال بقه ولااعمل اى حاجةكدة ولاخوش على من هنا ولا اعمل00
اةةة مينز
ايوة ياعم مينزالله يخرب عقللك ياجدع وانا اقول يارب 00

ده انجليزى ده يامرسى ؟؟

مينز اة
لاء فيومى

فيومى ايه لاء دى انجليزى اسمها مينــز
ام اى ان اى اتش اوه اكس نين تنme ne ho x 9 10
اومال ايه

يانهار اسود

ايــــــــــــــــــة

الواد ده بيكلم لغات
دة بيمس عليك ولا بيعرف اى حاجة طاوعنى
طب استناهفقسوه

ولا 000 ايه

اسبلها؟

 
اسبلها ايه هتقولى كمان اسبلها اسبلها واشرب مايتها

لاء يعنى اسبلها يعنى تدينى امارة تفنطها يعنى

 
يعنى ايه يعنى تنفطها عن بعضها

اللى شبه مين يعنى ولا ايه

طب انا هقولك انا انتا عارف مينز دى عليها فلاصتوب من تحت كدة

 
صح يبقا هو هو ايه هو الجاسوس

 
طلع الانجليزى اللى معاك ياااااااااه

 
****************************************
هو ده حالى الفترة دى كل حاجة عندى مش متجمعه بسبب الامتحانات اللعينة
مبقتش اجمع ودى بردو محاولة منى انى ارسم ولو ضحكة بسيطة تطلعكو من الهم اللى انتو فيه

 
دى جزء من اكتر مسرحية بحبها ولاحلى جزء فيها ليونس شلبى


 
بس حبيت انا ارغى معاكو شوية دعواتكم انا لسه بمتحن ومتدهولة على عينى

 
سلالالالالالالالامين وحتة
مشمشمشمشمشمشمشمة

الثلاثاء، 6 يناير 2009

انا مش معاهم

انا عايزة اكلم عن حاجات بفكر فيها
عن اراء بسمعها
وعايزة افهمها
انا مش بكتب عشان كلو بيكتب فى نفس الموضوع
لاء انا بكتب عشان انا عايزة اكلم هنا واطلع اللى جوايا
وعشان محدش يقول البت دى تافهة فى الوقت اللى غزة بتضرب دى  عاملة تاج وفرحانة بيه
لاء انا مش عاملة البوست ده عشان حد يقولى اة انتى فعلا اهو حاسة بلوضع
لاء انا حاسة بيه غصب عن اى حد ومحدش يقدر يقول غير كدة
لكنها محاولة منى لتخفيف الم اى حد
لذلك انا هكلم عشان انا عايزة اكلم
سيبكو من كل اللى فوق ده
هكلم انهاردة عن الريس
محمد حسنى مبارك
سعات اسمع بابا يقول
حرام اللى بيحصل لنا ده
وسعات يقول ما الراجل كتر خيرو
هيعمل ايه تانى
اراء متناقضة ارجع واقول حسب كل موقف
لاكن دماغى تفضل تفكر
الناس اللى بتطلع ع الفضائيات دى وتتششك فى وطنية مصر
وعايزة مصر تخوش فى حرب
ومدونين كذلك
اقولك واحنا مالنا
نخوش فى حرب ليه
احنا نقدر نساعد
نحارب احنا ليه
ناس تموت من عندنا وندخل البلد فى صراع اتقفل ليه
هتقولو ايه الهبل اللى بقولو ده
قولو زى مانتو عايزين تقولو
لو كل ادول هتتجمع عشان تحارب باسم العروبة عشان مصر
هقول ماشى
لاكن االناس اللى عايزة مصر فى وش المدفع
اة اسرائيل مدفع
عندنا اسلحة زيها
لاء
عندنا تكنولوجيا زيها وزىامريكا
اقول لاء
لاء والف لاء
يبقى نلم نفسنا وبلاش الحماس الزايد ده
يعنى لو اللى بيطلعو فى مظاهرات فى مصر دول
انا مش ضد الماظاهرات
لاء ابداا
بس اللى عايزة اقولو بلاش شعارات
لو جه واحد فى وسط المظاهرة
وقال
يلا فلسطين معبرها اتفتح
اللى عايز يدخل يحارب يحارب
اتحدا لو راح حد
ممكن اتنين  تلاتة
اربع
اكترمن كدة لاء وانا متاكدة
كل واحد ساعتها هيفكر فى اهلو
فى الناس اللىوراه
يروح يحارب مين
يحارب بطوبة قدام طيران ودبابات ع الزيرو يابا
صلى ع النبى بقه
والناس اللى طالعه تشتم فى الريس
هو المطلوب منو يقول انا داخل احارب
اللى بيكلمو دلوقتى مدقوش مرارة الحرب بيشوفوها فى التلفزيون وبس
وزعلو ويتأثرو ويشتموالنظام
الله يرحمالسادات
كل العرب اللى قالو سعاتها
كلو يخاصم مصر اللى السادات رايح اسرائيل يعمل معاهدة معاها
عشان خايف على شعبووعايز يتقى شر الصهاينة
وعمل المعاهدة وقال لرءساء الدول تعالو
اعملو معاهددة معاهم
محدش جه
حتى ياسر عرفات
كلهم خاصمو مصر
ولغوكل الاتفاقيات معاها
ونقلو جامعه الدول لتونس
وقالو مصر كخ
مصر وحشة
وفى الاخر
بكرة نقعد الحيطة ونسمع الزيطة
واهى الزيطة شغاله اهى
عايزين مصر تدخل حرب
طيب ماحنا فى حرب
حرب داخلية
الناس مش لاقيه تاكل
الشباب مش عارف يجوز
الناس مش لاقيه شغل
ناس بتشحت
ناس بتغتصب
ناس بتبيع بانجو وحشيش
ناس بتتحرش
قضايا كتير اوى
تفتكرو دى مش حرب
دلوقتى هتقولو عليا
دى بقه مع النظام لاء بقولها وبعلو صوتى
انا مش معاهم
انا معاكو
مطرح ماهتروحو وراكو
زعلانة من الحكومة عشان احنا كدة
مصر حلوة
وبيجيلها فلوس وموارد واحاجت كتير بس ده كلو فين مش بنشوفو
يلا معلشىحبيت اقول اللى جوايا وكنت بفكر فيه
اللى هيدخل يشتم هطلع عينو
وانا
المرادى مش بهزر
انا بكلم جد جد جد
ورقصنى يا جدع
سلالالالالالالالامووووزبللبن  مع حتة جاتوه
المناضلة المكافحة  ذات الاراء الصاروخية البومبية
مشمشمة

الاثنين، 5 يناير 2009

جالى تاج لولولوى

جالى تاج بس مش التاج اللى فى الصورة ده
انا حطيت من عندى تاج بناتى شوية ومدلع ع وش المية
جالى التاج من طالب ثانوى وبعد كدة البت ايمى  حدفتو عليا
مع ان الاسئلة بتاعتو بصراحة مش عجبانى اوى
عشان انا مش بحب الاسئلة النمطية
لاكن انا بحب الحاجات المميزة
بس يلا معلشى هجاوب عليه وانا هحط تاج ليا لوحدى
وادبس فيه ناس تحلو
***************************
ماذا يمثل لك الكتاب ؟
اقدر اجاوب ع السؤال ده
واقول انا مش بتاعه الكلام ده
بمعنى انى مش قريرة اوى
مش طول النهار الكتاب فى ايدى
بس احب اقرا لما حاجة تشدنى اوى
ومسبهاش وافضل وراها لحد ما اخلصها
دة فى حالة انها عجبانى
2
هل القراءة تغير من حالتك النفسية ؟ وما أثر القراءة عليك بوجه عام؟
مش دايما
يعنى ممكن اكون فى وقت زهقانة  احب ادور ع اى حاجة اقراها
مجلة قصص رومانسية كدة يعنى
3
ماهو أول كتاب أو قصة قرأتها وما هو آخر كتاب ؟
اول حاجة فى حياتى
اكيد مش فاكرة طبعا
لانى كنت صغيرة
بس نقدر نخمن مع بعض
كتب الاجزاء القرانية
جزء عم
عشان كنت بحفظو من وانا صغيرة
زى باقى الاطفال
قبل ما ادخل المدرسة
تانى كتاب ممكن اكون قريتو
هو كتب المدرسة ومن ساعتها وانا مفتحتوش تانى
ابدااااااااااااااااااااا
4
اذكر ثلاث كتب أو قصص أثروا في حياتك وتحتفظ بهم ؟
اولا القران الكريم
انا مش بقول كدة  بتفذلك فى اجاباتى
لاكن بجد من صغرنا واحنا بنقرا القران فى الكوتاب والمدرسة
ده اول كتاب
تانى كتاب وتالت كتاب هما الكتب المدرسية طبعا
عشان مبقاش بكدب
يعنى انا القراية مش هوايتى اوى
3 قصص
انا بحب اوى قصص زهور
الرومانسية
وقريت تقريبا اعداد كتير منها
بس مش فاكرة اسماءها اوى
5
في أي المجالات تحب أن تقرأ ولماذا ؟
احب اقرا فى الحاجات اللى بتمسنا اوى
زى المواضيع الاجتماعية
وبعد كدة  الرومانسية وممكن بعد كدة الرعب
عاااااااااااااااااااااااااااااااااا
6
هل عندك مكتبة وكم عدد الكتب بها في تقديرك
عندنا مكتبة اينعم
وفيها كتب
بس حاجة بسيطة وكلها كتب دينية
7
اذكر اسم كاتب تتمنى أن تحتوي مكتبتك كتاب له ؟
بجد نفسىة يبقى عندى كتاب بروتكلات صهيون
عشان افهم كل حاجة عن ولاد اللذينة دول
بمشى على مبدا اعرف عدوك
ونفسى يبقى عندى كتاب لحد مهم
كتاب يعنى اثر فى حياة الناس
ايه هو بقه مش عارفه لحد دلوقتى
8
ماهو الكتاب الذي يرافقك في السفر ( غير المصحف )؟
ممكن يبقى مجلة
اوقصة رومانسية
او حاجة تضحكنى
9
ماهي الجريدة أو المجلة التي تتابعها وما هي أهم الأعمدة فيها؟
وانا فى الابتدائى كان بابا كل جمعة
يجيبلى مجلة بلبل
كنت بحبها
وبحب اقرا الجرايد
وخاصة جريدةالاخبار
ليه بقه مش عرفه
بروح ع الاخبار ادور ع الكاريكتير فيها
10
ماهو أفضل كتاب أهدي لك ؟ وأي الكتب تهديه ولمن ؟
افضل كتاب
انا كنت باخد كتب جوايز فى المدرسة
بس مقرتهاش
احنا متفقين ع مبدا انى مش قريرة يعنى
بس طبعا ممكن يبقى افضل كتاب هو القران الكريم طبعا
ده احلا حاجة فى الدنيا
واهدى القران الكريم
لكل واحد ناسى دينو
اهديه للزعماء السياسين
عشان يفهمو
11
إذا كنت بمعرض للكتب كيف تتعرف على الكتاب الجيد ؟
هعرف لكتاب الجيد من العنوان
والكاتب
لان اول حاجةممكن تخلينى اقرا الكتاب هو عنوانو
او اوكون سمعت عن الكتاب عشان كدة اعرف ان كتاب جيد
12
ما هو المكان المفضل لك للقراءة ؟ وهل لك طقوس خاصة وقت القراءة؟
فوق السرير
ومحبش حد يكلمنى لحد ما اخلص ده لو الكتاب عجبنى
وسعات اقراه قبل النوم
وطقوسى ان بحب الهدوؤ اثناء القارايا
13
الرواية – القصة القصيرة – الدين – السياسة – العلوم – الشعر
من الأحب لك في كتاب تلك الفروع ؟
بصو
احنا اتفقنا انى مش هتفذلك واجاوب اجاباتدبلوماسية
بس بجد مفيش غير نوع الدين اللى ممكن اقرا فيه
عشان كل الممجالات التانية مش بستهوينة بس ممكن اقول كمان القصة القصيرة
********************
رجاء ارسل التاج على الأقل لنرسخ مبدأ تبادل السلطة
بصو
انا قررت بينى وبين نفسى انى مديش التاج لحد
لان التاج بتاعى لازم يبقى مميز واسالتو ع مزاجى
اتفقنا يا حلوين
لذلك انا هحط  اسائلة دلوقتى
*************************
1/ مبسوط من اسمك ولو مش بتحب اسمك كان نفسك يبقى اسمك ايه ولية؟
2/اهم حلم فى حياتك ؟
3/تجوز البنت اللى بتحبها قبل الجوواز
ولاتجوز واحدة تانية مشيت مع غيرك ؟
4/لو نفسك تعمل مدونة تانية ممكن تكون بتكلم عن ايه ؟
5/للبنت ممكن تتخلى عن حاجات كتير من مغيرات الحياة عشان انسان والولد ممكن تغفر لبنت انها كانت بتحب واحد تانى فى الماضى وتتجوزها
6/لو في ايدك تحكم مصر لمدة24ساعة ممكن تعمل ايه؟
7/انتا شايف ان محمد حسنى مبارك عامل ازاى
وهو وحش للدرجادى ولا الراجل بردو بيعمل اللى عليه وان بلدنا احسن من غيرها؟
 
8/ايه اكتر حاجة تخليك مبسوط فى االدنيا ؟
9/ايه اللى ممكن ينكد عليك حياتك فى لحظة ؟
10/ايه رايك فى البت مشمسية حلوة حلوة بس شقيه
*****************
االاسئلة اجبارية
وهلم المدونات تتصحح ومش عايزة غش ولا برشام
*********************
التاج ده  لمين
قلم رصاص
مسدس صغير
emy
a.samir
صحافيه حرة
انا والنجوم والدلو وهواك
Ahmed Abo El-Ella
بت خيخة وأى كلام
لماضة
الصباغ
ابى
سوووو
اخر العنقود
دماغى
بحبك وحشتينى
***************
البوست طويل بس مش عاجبو هيجاوب بردو غصب عنو
**********************************
سلاموووز بللبن