الاثنين، 5 يناير، 2009

جالى تاج لولولوى

جالى تاج بس مش التاج اللى فى الصورة ده
انا حطيت من عندى تاج بناتى شوية ومدلع ع وش المية
جالى التاج من طالب ثانوى وبعد كدة البت ايمى  حدفتو عليا
مع ان الاسئلة بتاعتو بصراحة مش عجبانى اوى
عشان انا مش بحب الاسئلة النمطية
لاكن انا بحب الحاجات المميزة
بس يلا معلشى هجاوب عليه وانا هحط تاج ليا لوحدى
وادبس فيه ناس تحلو
***************************
ماذا يمثل لك الكتاب ؟
اقدر اجاوب ع السؤال ده
واقول انا مش بتاعه الكلام ده
بمعنى انى مش قريرة اوى
مش طول النهار الكتاب فى ايدى
بس احب اقرا لما حاجة تشدنى اوى
ومسبهاش وافضل وراها لحد ما اخلصها
دة فى حالة انها عجبانى
2
هل القراءة تغير من حالتك النفسية ؟ وما أثر القراءة عليك بوجه عام؟
مش دايما
يعنى ممكن اكون فى وقت زهقانة  احب ادور ع اى حاجة اقراها
مجلة قصص رومانسية كدة يعنى
3
ماهو أول كتاب أو قصة قرأتها وما هو آخر كتاب ؟
اول حاجة فى حياتى
اكيد مش فاكرة طبعا
لانى كنت صغيرة
بس نقدر نخمن مع بعض
كتب الاجزاء القرانية
جزء عم
عشان كنت بحفظو من وانا صغيرة
زى باقى الاطفال
قبل ما ادخل المدرسة
تانى كتاب ممكن اكون قريتو
هو كتب المدرسة ومن ساعتها وانا مفتحتوش تانى
ابدااااااااااااااااااااا
4
اذكر ثلاث كتب أو قصص أثروا في حياتك وتحتفظ بهم ؟
اولا القران الكريم
انا مش بقول كدة  بتفذلك فى اجاباتى
لاكن بجد من صغرنا واحنا بنقرا القران فى الكوتاب والمدرسة
ده اول كتاب
تانى كتاب وتالت كتاب هما الكتب المدرسية طبعا
عشان مبقاش بكدب
يعنى انا القراية مش هوايتى اوى
3 قصص
انا بحب اوى قصص زهور
الرومانسية
وقريت تقريبا اعداد كتير منها
بس مش فاكرة اسماءها اوى
5
في أي المجالات تحب أن تقرأ ولماذا ؟
احب اقرا فى الحاجات اللى بتمسنا اوى
زى المواضيع الاجتماعية
وبعد كدة  الرومانسية وممكن بعد كدة الرعب
عاااااااااااااااااااااااااااااااااا
6
هل عندك مكتبة وكم عدد الكتب بها في تقديرك
عندنا مكتبة اينعم
وفيها كتب
بس حاجة بسيطة وكلها كتب دينية
7
اذكر اسم كاتب تتمنى أن تحتوي مكتبتك كتاب له ؟
بجد نفسىة يبقى عندى كتاب بروتكلات صهيون
عشان افهم كل حاجة عن ولاد اللذينة دول
بمشى على مبدا اعرف عدوك
ونفسى يبقى عندى كتاب لحد مهم
كتاب يعنى اثر فى حياة الناس
ايه هو بقه مش عارفه لحد دلوقتى
8
ماهو الكتاب الذي يرافقك في السفر ( غير المصحف )؟
ممكن يبقى مجلة
اوقصة رومانسية
او حاجة تضحكنى
9
ماهي الجريدة أو المجلة التي تتابعها وما هي أهم الأعمدة فيها؟
وانا فى الابتدائى كان بابا كل جمعة
يجيبلى مجلة بلبل
كنت بحبها
وبحب اقرا الجرايد
وخاصة جريدةالاخبار
ليه بقه مش عرفه
بروح ع الاخبار ادور ع الكاريكتير فيها
10
ماهو أفضل كتاب أهدي لك ؟ وأي الكتب تهديه ولمن ؟
افضل كتاب
انا كنت باخد كتب جوايز فى المدرسة
بس مقرتهاش
احنا متفقين ع مبدا انى مش قريرة يعنى
بس طبعا ممكن يبقى افضل كتاب هو القران الكريم طبعا
ده احلا حاجة فى الدنيا
واهدى القران الكريم
لكل واحد ناسى دينو
اهديه للزعماء السياسين
عشان يفهمو
11
إذا كنت بمعرض للكتب كيف تتعرف على الكتاب الجيد ؟
هعرف لكتاب الجيد من العنوان
والكاتب
لان اول حاجةممكن تخلينى اقرا الكتاب هو عنوانو
او اوكون سمعت عن الكتاب عشان كدة اعرف ان كتاب جيد
12
ما هو المكان المفضل لك للقراءة ؟ وهل لك طقوس خاصة وقت القراءة؟
فوق السرير
ومحبش حد يكلمنى لحد ما اخلص ده لو الكتاب عجبنى
وسعات اقراه قبل النوم
وطقوسى ان بحب الهدوؤ اثناء القارايا
13
الرواية – القصة القصيرة – الدين – السياسة – العلوم – الشعر
من الأحب لك في كتاب تلك الفروع ؟
بصو
احنا اتفقنا انى مش هتفذلك واجاوب اجاباتدبلوماسية
بس بجد مفيش غير نوع الدين اللى ممكن اقرا فيه
عشان كل الممجالات التانية مش بستهوينة بس ممكن اقول كمان القصة القصيرة
********************
رجاء ارسل التاج على الأقل لنرسخ مبدأ تبادل السلطة
بصو
انا قررت بينى وبين نفسى انى مديش التاج لحد
لان التاج بتاعى لازم يبقى مميز واسالتو ع مزاجى
اتفقنا يا حلوين
لذلك انا هحط  اسائلة دلوقتى
*************************
1/ مبسوط من اسمك ولو مش بتحب اسمك كان نفسك يبقى اسمك ايه ولية؟
2/اهم حلم فى حياتك ؟
3/تجوز البنت اللى بتحبها قبل الجوواز
ولاتجوز واحدة تانية مشيت مع غيرك ؟
4/لو نفسك تعمل مدونة تانية ممكن تكون بتكلم عن ايه ؟
5/للبنت ممكن تتخلى عن حاجات كتير من مغيرات الحياة عشان انسان والولد ممكن تغفر لبنت انها كانت بتحب واحد تانى فى الماضى وتتجوزها
6/لو في ايدك تحكم مصر لمدة24ساعة ممكن تعمل ايه؟
7/انتا شايف ان محمد حسنى مبارك عامل ازاى
وهو وحش للدرجادى ولا الراجل بردو بيعمل اللى عليه وان بلدنا احسن من غيرها؟
 
8/ايه اكتر حاجة تخليك مبسوط فى االدنيا ؟
9/ايه اللى ممكن ينكد عليك حياتك فى لحظة ؟
10/ايه رايك فى البت مشمسية حلوة حلوة بس شقيه
*****************
االاسئلة اجبارية
وهلم المدونات تتصحح ومش عايزة غش ولا برشام
*********************
التاج ده  لمين
قلم رصاص
مسدس صغير
emy
a.samir
صحافيه حرة
انا والنجوم والدلو وهواك
Ahmed Abo El-Ella
بت خيخة وأى كلام
لماضة
الصباغ
ابى
سوووو
اخر العنقود
دماغى
بحبك وحشتينى
***************
البوست طويل بس مش عاجبو هيجاوب بردو غصب عنو
**********************************
سلاموووز بللبن

هناك 34 تعليقًا:

Eng. Ahmed Abo El-Ella يقول...

أول تعليق؟

Eng. Ahmed Abo El-Ella يقول...

الله ياجميل
أنا أخدت التاج
ياستي الله يكرمك

بالحق؟
هو فعلا الغش ممنوع؟

Eng. Ahmed Abo El-Ella يقول...

بقولك يامشمشه
ايه اخبار الامتحانات؟ فاين فودز ولا..؟

كاتب مصري يقول...

ماشي ماشي بأه أنا جري جي أقرا البوست ملقيش مدونتي في قايمة المهمين
اهئ اهئ اهئ
زعلت ومش معلق ع التاج هاه
وش مكشر ومطلع لسانه
هههههههههههههههه
بهزر طبعا

البت المشمشية حلوة بس شقية يقول...

Eng. Ahmed Abo El-Ella
اة ياخوية االغش ممنوع والزعل مرفوع
ممنوع تبص فى المدونة اللى جمبك وشك فى دونتك

البت المشمشية حلوة بس شقية يقول...

كاتب مصري متزعلش نفسك ومتعيطش وحل التاج انتا من اهم الناس انتا اهم منى شخصيا حلو
وادينى مدونتك اعلمها

blue-wave يقول...

الحمد لله
نفدت انا:))
عموما التاج بتاعك احلى من التاج التانى دا بصراحه:))

البت المشمشية حلوة بس شقية يقول...

blue-wave
ربنا يخليك
وروح حل التاج بردو

حروف (دلو مرة ثانية وجرح ثاني سابقا) يقول...

ححلوة يا قمر بس فيمدونتي التانيةوالصلح خير لولللللللي واتصالحنا ههههههههههه والعيد فرحة للللللللوي

adel يقول...

مبروك ياقمر علي التاج ... و عقبال ما اشوفك مسحوبة علي المعتقل

ههههه

لان دي غالبا اخرة الملوك ....ههههههه

و ربنا معاكي في الامتحانات

قلم رصاص يقول...

سايبه الامتحانات وعامله القلق ده كله على المدونات
ههههههههههههههه

شكلك اساسا من اوائل دفعتك وبتضحكي علينا..واثقة من نفسك ومن مذاكرتك
لذلك تعتبري مش بتضيعي وقت هنا ولاحاجة
ههههههههههههههه

عموما التاج ده جميل واجبابتك عليه اجمل.. !

واحب أشكرك جدا جدا على اهدائك للتاج الجديد للعبد لله .لكن استسمحك أأجل الاجابة عليه شوية كده لما ظروف غزة تنتهي على خير لأني مش عاوز اعمل بوستات جديدة بعيد عن الموضوع

اشكرك كمان مره

تقبلي مروري مع التحية

البت المشمشية حلوة بس شقية يقول...

حروف (دلو مرة ثانية وجرح ثاني سابقا)
ههههههههههههههه
مبروك ياستى ع الصلح
واخيرا
عشان تبقى تسمعى كلامى بس وشى حلو عليكى عايزة الحلاوة

المهم من ده كلو نحل التاج

البت المشمشية حلوة بس شقية يقول...

adel

مسحوبة ع المعتقل
اخرج منها مشوفش وشك تانى
ومتحلش التاج كمان

البت المشمشية حلوة بس شقية يقول...

قلم رصاص
اة فعلا انا من اؤائل الدفعة بس من ورا
هههههههههههههههه
عموما حل التاج وقت متحب يعنى ممكن
بكرة مثلا
انا بعتلك راى فى اللى قولتو ع الميل
وهعرف ردى على اللى قولتلو ده

adel يقول...

ههههههه

دي بس اللي فرق معاكي ...المعتقل

ما انا سيبلك دعوة تمام عشان الامتحانات

و بعدين يا استاذة انا اجاوب علي التاج ليه يعني
P:P:P:

انا لازم يتبعتلي التاج لحد باب المدونة و ساعاتها اجاوب

هههههه

و مايجيش بايده فاضيه

شفقة هانم واحسان بك يقول...

مبروك يا قمر على التاج عقبال التاج المرصع بالدهب والالماظ

البت المشمشية حلوة بس شقية يقول...

adel
مش عارفة انتا ارش ملحتى ليه ومستقصدنى
يبنى اناهو انا مرات ابوك
اجرى ياعم بعيد
وبعدين انا مش هجبلك تاج لحد عندك
انا هجبلك عيال يمسكوك يدوك علقة عشان لسانك الطويل واللماضة دى
ههههههههههههههههههههههه
بهزر طبعا

البت المشمشية حلوة بس شقية يقول...

شفقة هانم واحسان بك
ههههههههههههه
الماظ مرة واحدة طب قول صفيح حتى
نورتونى

nody_1987 يقول...

ايه ده وما قراتيش عبير ورجل المستحيل وملف المستقبل
فاتك كتير

لعلمك السرير ده اهم اماكن القراءه

البت المشمشية حلوة بس شقية يقول...

nody_1987
ههههههههههه
لاء قريت قصة وحدة لعبير بس مشدتنيش زى زهور
وانا بحب السرير للمذاكرة والقايا كمان
نورتينى

لماضة يقول...

صباح التدبيس
ماشي يا ستي بس انا هجاوب على التاج بتاعك بس
تاج الناس التانيه
مبجاوبش على تاجات مجهولة الهويه
:))
لازم تطلع بطاقه الاول

البت المشمشية حلوة بس شقية يقول...

لماضة
هههههههههههه
ماشى يا ميرو
متجاوبيش على تاجات اى حد غيرى انا بس
هههه
نورتى يا ضاكتورة

عابد الرحمن يقول...

بجد اجابات منطقية وخفيفة
على فكرة اسلوبك بجد حلو اوي
وإلى الامام

البت المشمشية حلوة بس شقية يقول...

عابد الرحمن
منورنى يا عبدة وشكرا ع المجاملة الجميلة دى

وياريت تكرر الزيارة

EmY يقول...

مش هاتديني رقم جلوس و خليني اقعد جنب مدون مذاكر كويس

تاج جميل يا قمر و هاجاوب عليه و اقولك علشان تلمي مدونتي تتصحح

ايه ده انتي طلعتي مش قريره اوي

طيب هاجيبلك كتاب في عيد ميلاد غلاسه بقي

انا عندي كتاب بروتوكلتت حكماء صهيون

بس الصهاينه دول عمرك ماتفهميهم هما شر ماشي علي الارض

جميل التاج بتاعك اوي يا مشموشه

البت المشمشية حلوة بس شقية يقول...

EmY
ههههههههههههه
حبيبة قلبى
رقم جلوس ايه يختى
كل واحد قاعد فى مدونتو
ومبيصش ف المدونة اللى جمبو

وربنا ياخد الصهاينة ويولع فيهم بجاز

والحمد لله ان التاج عجبك

~*§¦§ Appy §¦§*~ يقول...

حبيبى اسف والله بس اعفينى اولا لانى مبحبش القرايه وبقولها بصراحه يعنى من الكتب اقصد
غير كده انا منعت التاجات بتعملى هرش فى راسى

mostafa rayan يقول...

ازيك
متهيالي دي اول زيارة ليا عندك وان شاء الله مش هتكون الأخيرة واضح ان مدونتك دمها خفيف
- بصي بالنسبة ليا فانا مختلف عنك شوية لأني اوضتي عبارة عن مكتبة اصلا
اما بالنسبة لحوار الجواز فانا عايز واحدة بعلبتها مامشيتيش مع حد ولا حتى حد لمس ايديها قبل كدة
احب اكون اول حد يزرع بذرته في ارضها
دة رأيي وارجو انك تتقبليه
تحياتي لك ودمت بخير

mostafa rayan يقول...

معلش
ياريت لوتكبري الخط شوية
اخوكي لابس نظارة والخط الصغير بيوجع له عينه
تحياتي لك ودمت بخير

م/ الحسيني لزومي يقول...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

البت المشمشية حلوة بس شقية يقول...

~*§¦§ Appy §¦§*~
للاسف مقرتيش البوست كلو
والتاج بتاعى مش عن القراية

البت المشمشية حلوة بس شقية يقول...

mostafa rayan
يارب متكون اخر زيارة
ويارب يرزقك عروسة بكرتونتها يارب

hager za3bal يقول...

اجابات جميله اوي يا مشمشه

Entrümpelung يقول...

مشكوررررر .. موضوع ممتاز جدااا .
bookmarks
Entrümpelung Wien
übersiedlung wien