الأحد، 23 نوفمبر 2008

البنات والبويا قصدى البودرة


بودرة بودرة يا بنات مالكو ايه اللى وكسكو كدة كل واحدة الاقيها حاطة كيلو بدرة على وشها مع انى البنت بتبقى بيضا ووشها بشرتو فاتحة بيبقى منظرهم يقرف الكلب الاجرب اللى امو ماتت وسابتو وسبحان الله بقيت احس ان وشهم مفيش روح فيه ابيض ملامحهم مستخبيا طيب ليه بتعملى كدة وعشان ايه ومين وفين وليه ولميننن؟ يامدهولة والا بقه لما البدرة تبتدى تسيح منظرهم غبى انا عارفه اان فيه ناس اصحابى هيزعلو معلشى اللى على راسو بطحة يحسس عليها (ملحوظة رفيعه انا حررة هكتب اللى انا عيزاه محدش ليه عندى حاجة واللى يزعل يزعل) الكلام ده ننطلع منو بحاجة انى فاضية دلوقتى وبكتب اى حاجة

هناك 35 تعليقًا:

الرومـيصاء يقول...

اول زياره


واول تعليق

عندك حق الميك اب بالشكل ده
مبيبقاش تجميل
بيبقى حاجه تانيه


مدونه جميله
استمرى

ملاحظه
ياريت تشيلى كلمه التاكيد لانها بدايق

دمتى بحفظ الله

Muhammad Mammdouh يقول...

عندك حق الى على راسو بطحة واوعى تقفليها وحياة ابوكى ووحياة اغلى حد عندك شوفتى بقى وبتحايل عليكى كمان مع انى عمرى ماعملتها مع حد
تحياتى

البت المشمشية حلوة بس شقية يقول...

نورتى يارورو انا زورت مدونتك بس للاسف فى مشكلة كل لما اجى اعلق على موضوع سامحينى

البت المشمشية حلوة بس شقية يقول...

هههههههههه نورت يا محمد خلاص عشان خطرك انتا بس بس لو مكنتش تحلف نورتى ةوابقى تعالى اديك عرفت المكان وهزور مدونتك

Zika يقول...

اولا مبروك المدونه
وبالنسبه لموضوع مفيش تعليقات
ده طبيعي ومع الوقت هيزيدوا لو انتي بتتفاعلي مع المدونين هم كمان هيتفاعلوا معاكي
وهكذا
وبالنسبه للبنات اللي بتحط علي وشها بودره
ولو ان ي مش بفهم في الميك اب بس اعتقد الميك ده اتعمل لناس معينه وفي مناسبات معينه
وافضل ان البنت تبانبجمالها الطبيعي افضل من اني اشوف بنت حاطه علي وشها نص كيلو دقيق
تحياتي

Unknown يقول...

اهلآ اهلآ بيكي نورتي البلوج سبوت

هو انا مع زيكا في موضوع الدقيق ده و الغريب انه بيبقي ع الصبح كده الواحد ينخرع اول ما يشوف الاشكال الضاله دي

marmar يقول...

نورتي البلوج مع اني مش اعرفك بس عجبني نك نيمك وعرفت انك جديدة في عالم التدوين ربنا يوفقك يارب..
بالنسبة للميكب ده انا بشوف ناس استغفر الله العظيم مش بس الكلب يخاف منها ده الكلب بالنسبالها هيفاء وهبي من كتر الي بيعملوا في نفسهم مش كيلو ميكب لا دول احتمال بيشترو الميكب بالصفايح بحيث ميخلصش من عندهم العيون المرسومه من اول الوش لاخره والشفايف المنفوخه والاي شادو الاحمر والاخضر والازرق ولابنفسجي مع بعض بتطلع البت شبه عروسه المولد مع ان بيكون ملامحها هاااا حلوة .. ربنا يشفي ..
أختك في الله ريم
www.showmeursmile.blogspot.com

مدحت محمد يقول...

كاتبة عن موضوع بيستفذنى جدااااااااااااااااااااااااااااااااااااااااااااااااااااااااااااااااا

AHMED SAMIR يقول...

طب والبودرة ليه؟؟
اومال الفير اند لفلي بيعمل ايه؟
دة انا ببيع كمية فير اند لفلي غير عادية؟
بس بيضحكوا على مين
كل شيجين هينكشفين ويبان
مدونة جميلة
الى الامام دائما
تحياتي واحتراماتي

البت المشمشية حلوة بس شقية يقول...

نورت بس الفير اند لفلى بردو مش زى البودرة لانو بيبقى فيه نسبة تفتيح مش زى البودرة تحس فعلا انها بويا ومدهون بيها الوش

انسانةعادية فى عالم مش عادى يقول...

هههههههههه اجمل حاجة انك قولتى زى الكلب الجربان ضحكتنى مووووووت ربنا يهدى البنات كلهم يارب
وانتى ربنا يكرمك يارب ويكملك بعقلك مدونتك تحفة والله من غير مجاملة

Ehab يقول...

هههههههه

فكرتيني بأيام الجامعه كنت برده بستغرب زيك كده من موضوع البودره ده بالذات
كان في بنت بتيجي حاطه كمية بودره على وشها بتخليها عامله زي المهرجين بالظبط المنظر كان بيبقى غريب قوي لدرجة اني تخيلت ان ممكن تكوت عندها مرض جلدي في وشها وبتحاول تداريه وصعبت عليا جدا
مش عارف ل هي فعلا كان عندها مرض في وشها ولا المرض كان في عقلها
الله يهدي
تحياتي سعيد بزيارتك ومعرفتك
واكتبي يا ستي براحتك دي مدونتك واكتبي اللي يعجبك
سلاااااااااااااااااااااااام

احساس لسه حى يقول...

عزيزتى
معاكى حق وانا بصراحه بزعل اوى لما بلاقى بنت حطه بودرة

وبالذات لو بشرتها حلوة ومش محتاجه

ومعظم البنات بتكون اجمل من غيرها

بس بينى وبينك البدرة بتديها شوية اغراء وانوثه

بالذات ان فى بنات وشها رقيق وتقطعها طفوليه

بس فى النهاية الاجمل انها تكون على طبيعتها واللى مش عجبه يتفلق

وبالعكس الكلام ده مفيد ولما تيجى منك احسن ما تيجى منى انا

تحياتى

سلاام

لوسفر فاوست عبد الجبار يقول...

الميك اب حق طبيعى واصيل لكل مزه
ومصلحه البنت العليا فى وضع الميك اب لاخفاء الديفوهات فى السن الصغيره والسن الكبيره لاخفاء الترهلات
وانا من مكانى احى كل بيوت التجميل الرائعه التى تحقق اهدافها فى جعل الفتيات عباره عن لوحه زيتيه تعرض فى الشوارع وعلى ارصفه الطرقات

... amr يقول...

وبما ان الكلام عن البنات و البودرة
اذن ... لا تعليق :)

البت المشمشية حلوة بس شقية يقول...

نورتونى

محمد حمدي يقول...

عندك حق فى كلامك والله .. انا بحس ان جمال البنت فى جمال شخصيتها اولا وفى جمال شكلها منغير اى مستحضرات تجميل .. وزمان كان العرب بيستعملو كلمه(غانيه) لوصف المرأه التى (استغنت) عن المُجملات الصناعيه بالجمال الطبيعى .
تحياتى ليكى ولاسلوبك الجميل فى الكتابه . واضح انك لسه مدونه جديده بس ان شاء الله هتبقى مدونه جامده جدا .. كملى تدوين واوعى تفكرى تقفلى المدونه واصبرى على التعليقات لحد ما عدد الزوار يزيد .. اما عنى .. فا دى اول زياره .. واوعدك عمرها ما هتبقى اخر زياره

سلام

البت المشمشية حلوة بس شقية يقول...

الشنكوتى الكبير انتا كبير يا كبير نورتى بجد 000000000000احساس لسه حى تعليق جميل بس يعنى ايه تيجى منى احسن متيجى منك ؟ محمد نورتنى واوعى تكون اخر زيارة احسن ازعل

Muslima يقول...

معاكى حق جدااااااا
انا راى ان البنت ممكن تحط ميكب بس خفيف
وكمان مش فى اى وقت
يعنى ملوش داعى ابدا وهى رايحة الكلية
ولا وهى نازلة تشترى حاجات
لو فى سهرة فاخمة
فرح _ مناسبة مميزة لها وكمان يكون خفيف عشان مضيعش براءت ملامحها
مع تحياتى

عبدالله يقول...

اسم لذيذ لمدونه شقيه ولذيذه
وبمناسبه البودره انا بقترح مساوتها بالهروين البودره و الي يبعيها ياحد مؤبد زهقنا بقي :)

تحياتي

Ahmed يقول...

فاضيه ولا مشغولة مش مهم
المهم اني اخيرا سمعت كلمة حق من الجنس اللطيف عن الموضوع ده بذات

البت المشمشية حلوة بس شقية يقول...

مسلم انا كمان راى من رايك مش كل وقت يبقى فيه ميكب وكمان لما نحط ميكب ميبقاش بغباء كدة نورتنى

البت المشمشية حلوة بس شقية يقول...

واللى يبيع البودرة يبقى تاجر مخدرات تفكير سليم

البت المشمشية حلوة بس شقية يقول...

Eng. Ahmed Abo El-Ella اى خدعة يا مان انا برفع شعار لا للبودرة

NIDAAL .R يقول...

اولاً مدونتك جميلة جداً جداً
وفعلاً الميك اب بقى حاجة عملة مثلاً زى الهدوم
لازم يتحط حتى لو البنت مش محتاجة ميك اب بتحط برده
هو ايه ... شكلهم مش مشترينه بفلوسهم
يا اما هدية يا اما بتاع مامتهم يا اما دادى جايبه هدية ليهم
وبس كدة .

سبهللة يقول...

مبروك المدونة الجديدة

البت المشمشية حلوة بس شقية يقول...

ههههههههه نادال وحياتك بيستلفو عشان يشتروه

البت المشمشية حلوة بس شقية يقول...

سبهلله الله يبارك فيكى يا جميل

blue-wave يقول...

ههههههههههههههههههههه
والله معاكى حق
بجد انتى تحفه وياريت كله يقرا كلامك دا

البت المشمشية حلوة بس شقية يقول...

blue-wave نورتنى بجد وانا روحت مدونتك وهيا بجد تحفة

حزينه يقول...

والله انتى عسل
طيب
تعرفى انى نفسى اتعلم احط بوردة
بس الطبيعى احسن
انا اصلا بيضه بس كنت عايزة اعمل زى البنات

حزينه

ياسر سليم يقول...

هى فعلاً كلمة حق

وبدال بتقولى كلمة حق ما تخافيش من اى حد

وعايزك برضه تتكلمى فى الناحية الاقتصادية

ان لما كل واحدة تحط كيلو بودرة ده بياكل من فلوس البلد

ولا انتى ايه رأيك ؟

م/ الحسيني لزومي يقول...

اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

Teawater يقول...

عندك حق
هي اساسا جميله من غير الهبل ده وبيقبي وشها نضر واكثر اشراقا

Desert cat يقول...

مبروك المدونة
اما موضوع البودرة ده فانا شخصيا بقرف من اللى بتعمل ميكب اوفر بحسها رقاصه